Azyaşlı övladı ötən ilin bu vaxtlarında qəzada həlak olubmuş...

AzTV-nin əməkdaşı Məqsəd Məmmədlinin faciəvi ölümündən əvvəl yaşanan son anlarla bağlı bəzi detallar məlum olub.

Sonxeber.az Bakıvaxtı.az-a istinadən xəbər verir ki, mərhum hadisədən bir gün əvvəl dostları ilə görüşə gedib.

Görüş zamanı o, dənizə girib bir qədər sərinləmək istədiyini deyib. Dostları isə ona suya girməməyi tövsiyə edərək, ehtiyatlı olmasını bildiriblər. Lakin M.Məmmədli sonda suya girərək batıb.

Məqsədin ölümündən cəmi bir gün əvvəl keçmiş iş yoldaşı ilə də görüşdüyü bildirilir. Həmin görüş zamanı o, öz qol saatını keçmiş həmkarına hədiyyə edib və birlikdə şəkil çəkdiriblər. Bu foto onun həyatının son günündən qalan son xatirələrdən biri olub.

Faciəni daha da ağırlaşdıran məqam isə Məqsəd Məmmədlinin ailəsinin ötən il də böyük itki ilə üzləşməsi olub. Bildirilir ki, onun azyaşlı övladı ötən ilin bu vaxtlarında baş verən avtomobil qəzasında həyatını itirib.

Qeyd edək ki, M.Məmmədli AzTV-nin İnformasiya Proqramları studiyasında prodüser kimi çalışıb. O, Vətən müharibəsi iştirakçısı olub.

Telegramda izləyin