3 ölkə, bir masa: Azərbaycan, Pakistan və Qazaxıstan nəyi müzakirə edir?- Bakı yeni əməkdaşlıq körpüsünə çevrilir

Avqustun 13-də İslamabadda Azərbaycanın və Qazaxıstanın Pakistandakı səfirləri Xəzər Fərhadov və Yerjan Kistafinin diplomatik missiyalarının başa çatması münasibətilə vida ziyafəti keçirilib. Tədbirdə üç ölkə arasında turizm, ticarət və mədəni əməkdaşlığın genişləndirilməsi imkanlarından danışılıb. Pakistan rəsmiləri hər iki diplomatın ölkələr arasında münasibətlərin inkişafına verdiyi töhfələri yüksək qiymətləndiriblər. Çıxışlarda son illərdə Pakistanın Azərbayan və Qazaxıstanla əlaqələrinin gücləndiyi, qarşılıqlı əməkdaşlığın yeni sahələr üzrə genişləndirilməsi üçün imkanların olduğu bidirilib.

Bu barədə "Sonxeber.az"a danışan politoloq Məhəmməd Əsədullazadə əməkdaşlığın əhəmiyyətini açıqlayıb:

"Azərbaycan, Qırğızıstan və Pakistan üçü də müsəlman ölkəsidir. Məhz, Azərbaycan həm Pakistanla strateji tərəfdaşdır, həm Qırğızıstanla. Münasibətlər yüksək səviyyədədir. Hesab edirəm ki, Azərbaycan, Qırğızıstan və Pakistan əlaqələri siyasi-iqtisadi, həmçinin hərbi-texniki əməkdaşlıq müstəvisində davam etdirilir. Azərbaycan artıq ikitərəfli əməkdaşlıqda və üçtərəfli, çoxtərəfli əməkdaşlıqda maraqlıdır, nəyinki beynəlxalq təşkilatlar səviyyəsində əməkdaşlıq müstəvisi. Çünki ikitərəfli və üçtərəfli formatda əməkdaşlıq daha etibarlıdır və daha operativdir. Ona görə də Azərbaycan, Qırğızıstan Pakistan əlaqələri yeni müstəvidə Azərbaycanın mövqeyini inkişaf etdirəcək, gücləndirəcək".
Politoloqun sözlərinə görə, bu Azərbaycan üçün yeni mərhələnin başlamasıdır. Politoloq hesab edir ki, üç ölkə arasında əməkdaşlığın genişlənməsi ölkəmizin regional və beynəlxalq mövqelərinin daha da güclənməsinə, yeni iqtisadi və strateji imkanların yaranmasına şərait yarada bilər:

"Göründüyü kimi Azərbaycan bir çox istiqamətlərdə yeni tərəfdaşlarda, yeni formatlarda maraqlıdır. Və bu xüsusda, Pakistan, Qırğızıstan və Azərbaycanın üçtərəfli bir araya gəlməsi təbii ki, heç bir ölkəyə qarşı deyil. Amma bu format üç ölkənin siyasi-iqtisadi inteqrasiya, kibertəhlükəsizlik və elmi-mədəni əlaqələrini yeni mərhələdə davam etdirəcək".

Lalə Məmmədova

Telegramda izləyin