Bitki yağlarında aşkarlanan təhlükəli maddə: Sağlamlıq üçün zərərləri nələrdir? - VİDEO

Bir sıra xarici ölkə istehsalçılarına məxsus bitki yağı məhsullarında uyğunsuzluqlar aşkarlanıb.

Qida Təhlükəsizliyi Agentliyinin məlumatına görə, laborator müayinələr zamanı yağ nümunələrində insan sağlamlığı üçün təhlükə yarada bilən emal çirkləndiricisi - 3-MCPD müəyyən edilib.

Qida eksperti Elsevər Fərzəliyev Baku TV-yə açıqlamasında bildirib ki, 3-MCPD maddəsi bitki yağlarının emalı zamanı texnoloji prosesin düzgün aparılmaması nəticəsində yarana bilər:

"Bu, qida çirkləndiricisidir və yağların tərkibində olması arzuolunan hal deyil. Emal texnologiyası normal şəraitdə aparılmalıdır ki, bu çirkləndirici əmələ gəlməsin".

Ekspertin sözlərinə görə, yüksək temperatur da bu maddənin yaranmasına səbəb ola bilər. Belə ki, bəzi bitki yağlarının istehsalı zamanı xammalın yüksək temperaturda emalı nəticəsində yüksəkmolekullu birləşmələr parçalanır və yeni maddələr, o cümlədən qida çirkləndiriciləri əmələ gələ bilir.

Elsevər Fərzəliyev 3-MCPD-nin insan orqanizminə mənfi təsir göstərə biləcəyini, xüsusilə böyrək və qaraciyərin fəaliyyətinə, eləcə də kişilərin reproduktiv sisteminə təsir etdiyini bildirib:

"Bir çox hallarda əmələ gələn bu qida çirkləndiriciləri insan orqanizminin müəyyən orqanlarına mənfi təsir göstərir".

Qida eksperti Elsevər Fərzəliyev Baku TV-yə açıqlamasında bildirib ki, 3-MCPD maddəsi bitki yağlarının emalı zamanı texnoloji prosesin düzgün aparılmaması nəticəsində yarana bilər:

"Bu, qida çirkləndiricisidir və yağların tərkibində olması arzuolunan hal deyil. Emal texnologiyası normal şəraitdə aparılmalıdır ki, bu çirkləndirici əmələ gəlməsin".

Ekspertin sözlərinə görə, yüksək temperatur da bu maddənin yaranmasına səbəb ola bilər. Belə ki, bəzi bitki yağlarının istehsalı zamanı xammalın yüksək temperaturda emalı nəticəsində yüksəkmolekullu birləşmələr parçalanır və yeni maddələr, o cümlədən qida çirkləndiriciləri əmələ gələ bilir.

Elsevər Fərzəliyev 3-MCPD-nin insan orqanizminə mənfi təsir göstərə biləcəyini, xüsusilə böyrək və qaraciyərin fəaliyyətinə, eləcə də kişilərin reproduktiv sisteminə təsir etdiyini bildirib:

"Bir çox hallarda əmələ gələn bu qida çirkləndiriciləri insan orqanizminin müəyyən orqanlarına mənfi təsir göstərir".(oxu.az)

Telegramda izləyin