Özbəkistanla yüksəksəviyyəli intensiv təmaslar effektiv nəticələr doğurur
Prezident İlham Əliyevin Özbəkistana avqustun 23-də başlayan dövlət səfəri son iki il ərzində Azərbaycan və Özbəkistan liderlərinin qarşılıqlı şəkildə reallaşdırdıqları sayca 3-cü dövlət səfəridir. 2024-cü ildə İlham Əliyev Daşkənddə, 2025-ci ildə Şavkat Mirziyoyev Bakıda dövlət səfərində olub. Belə yüksəksəviyyəli intensiv təmaslar iki ölkənin bir-birinə verdiyi xüsusi önəmin göstəricisidir.
Planlaşdırılan görüşlərin və tədbirlərin siyahısı göstərir ki, səfər iki ölkə arasındakı siyasi yaxınlığın praktik nəticələrə çevrilməsini hədəfləyir. Səfər proqramında Azərbaycan-Özbəkistan strateji tərəfdaşlıq və müttəfiqlik münasibətlərinin daha da dərinləşdirilməsi, ticarət və investisiya əməkdaşlığının artırılması, nəqliyyat-tranzit imkanlarından birgə istifadə, regionlararası əlaqələrin inkişafına dair əsas müzakirə mövzuları var.
İki ölkə arasında əməkdaşlığın ən yüksək siyasi koordinasiya mexanizmi olan Azərbaycan-Özbəkistan Ali Dövlətlərarası Şurasının növbəti iclasının keçirilməsi səfərin ən mühüm məqamlarından biridir. Bununla yanaşı, səfər çərçivəsində biznes və regionlararası əməkdaşlığa dair tədbirlərin keçirilməsi, yeni birgə layihələrin təqdim olunması və ikitərəfli sənədlərin imzalanması da xüsusi əhəmiyyət daşıyır. Bu kontekstdə yanaşsaq, Daşkənd görüşləri iki ölkə arasında mövcud siyasi dialoqun konkret iqtisadi, institusional və regional əməkdaşlıq mexanizmləri ilə möhkəmləndirilməsi baxımından xüsusi əhəmiyyət kəsb edir.
Azərbaycan və Özbəkistan arasında münasibətlərin son illərdə bu formada sıxlaşması deməyə əsas yaradır ki, tərəflər təkcə ənənəvi dostluq və tarixi-mədəni bağlılıq amillərinə əsaslanan əməkdaşlıqla kifayətlənmək niyyətində deyillər. Qarşılıqlı siyasi səfərlərin intensivliyi, yüksəksəviyyəli dialoqun davamlılığı və əməkdaşlıq üçün yaradılan yeni institusional mexanizmlər münasibətlərin daha sistemli və nəticəyönümlü mərhələyə qədəm qoyduğunu göstərir.
Keçirilən görüşlər və qəbul olunan qərarlar yalnız Azərbaycan-Özbəkistan əməkdaşlığının gələcək istiqamətlərini deyil, eyni zamanda, Cənubi Qafqazla Mərkəzi Asiya arasında formalaşan yeni siyasi, iqtisadi və nəqliyyat əməkdaşlığı məkanının perspektivlərini də müəyyənləşdirir. Bu baxımdan, iki ölkə arasındakı əlaqələrin inkişafı daha geniş regional inteqrasiya prosesinin mühüm tərkib hissəsinə çevrilir. Azərbaycan və Özbəkistanın siyasi iradəsi isə bu prosesin qarşıdakı dövrdə konkret layihələr və yeni əməkdaşlıq mexanizmləri ilə daha da sürətlənəcəyini göstərir.
Ələddin Bəşirov - tarixçi
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri