Yetkinlik yaşına çatmayan şagird məsuliyyətə cəlb edilə bilər? - AÇIQLAMA
Məktəblərdə ciddi zorakılıq və ya qadağan olunmuş əşyaların gətirilməsi kimi ağır qayda pozuntuları zamanı məsələnin polisə bildirilməsi həm məktəbin, həm də hüquq-mühafizə orqanlarının təhlükəsizliyin təmin olunması və hüquq pozuntularının qarşısının alınması ilə bağlı vəzifələrindən irəli gəlir. Məktəb davranış qaydalarında da bu kimi əməllər çox ağır qayda pozuntuları sırasında göstərilir.
Bəs, şagirdin polisə bildirilməsi avtomatik olaraq onun hüquqi məsuliyyətə cəlb edilməsi deməkdirmi, yetkinlik yaşına çatmayanlarla bağlı hansı xüsusi hüquqi prosedurlar tətbiq olunur və belə hallarda uşağın hüquq və mənafeləri necə qorunmalıdır?
Məsələ ilə bağlı Sonxeber.az-a açıqlama verən vəkil Elvin Əliyev bildirib ki, məktəbdə şagird tərəfindən ciddi zorakılıq, təhlükəli və ya qanunla qadağan olunmuş əşyaların gətirilməsi, xəsarət yetirilməsi və digər ağır hüquqpozma əlamətləri olan hərəkətlər törədildikdə məktəbin polisə məlumat verməsi hüquqi baxımdan mümkün və hadisənin xarakterindən asılı olaraq zəruri ola bilər.
"Bu, ilk növbədə baş verən hadisənin araşdırılması və məktəbdə təhlükəsizliyin təmin edilməsi məqsədi daşıyır. Lakin məktəbin polisə məlumat verməsi yetkinlik yaşına çatmayan şagirdin avtomatik olaraq cinayət məsuliyyətinə cəlb edilməsi demək deyil. Polisə məlumat daxil olduqdan sonra hadisənin halları araşdırılır, əməlin cinayət və ya digər hüquqpozma olub-olmaması, həmçinin şagirdin yaşı müəyyən edilir. Azərbaycan Respublikasının qanunvericiliyinə görə ümumi qaydada cinayət məsuliyyəti 16 yaşdan başlayır, lakin qanunda sadalanan bir sıra ağır əməllərə görə məsuliyyət 14 yaşdan yarana bilər".
Vəkil bildirib ki, eyni zamanda, yetkinlik yaşına çatmayan şəxslərlə bağlı xüsusi hüquqi təminatlar mövcuddur:
"Cinayət-Prosessual Məcəlləyə əsasən, yetkinlik yaşına çatmayan şübhəli və ya təqsirləndirilən şəxsin hüquqlarını qanuni nümayəndəsi həyata keçirir və belə şəxsin müdafiəçisi, yəni vəkilin iştirakı məcburidir. Buna görə məktəbin polisə müraciət etməsi uşağın əvvəlcədən "günahkar" elan edilməsi kimi qiymətləndirilə bilməz. Əsas məqsəd hadisənin obyektiv araşdırılması, zərərçəkənlərin və digər şagirdlərin təhlükəsizliyinin qorunması, eyni zamanda yetkinlik yaşına çatmayanın hüquqlarının qanun çərçivəsində təmin edilməsidir. Konkret hüquqi məsuliyyət məsələsi isə yalnız hadisənin bütün halları və uşağın yaşı nəzərə alınmaqla müəyyən edilə bilər".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri