Ən yaşlı və ən gənc tələbə onlar oldu
Ali təhsil müəssisələrinə builki qəbulun nəticələrinə əsasən, tələbə adını qazanan ən gənc abituriyentin 16 yaşı var. Məmmədli Gülşən Rəşad qızı 621,2 balla Naxçıvan Dövlət Universitetinin Stomatologiya ixtisasına əyani təhsil forması üzrə dövlət sifarişi əsasında qəbul olunub.
"Qafqazinfo"nun məlumatına görə, Modern.az-a danışan G.Məmmədli bildirib ki, tibb sahəsinə marağı uşaqlıq illərindən yaranıb.
Əvvəllər pediatr olmaq istəsə də, zaman keçdikcə tibbin müxtəlif istiqamətləri ilə maraqlanmağa başlayıb və nəticədə Stomatologiya ixtisasını seçib: "Uşaqlıqdan həkim olmaq istəmişəm. Əvvəllər uşaq həkimi olmağı düşünürdüm. Böyüdükcə gördüm ki, tibbin çoxsaylı sahələri var və hər birinin özünəməxsus dərinliyi mövcuddur. Stomatologiya qismətim oldu. İndi bu imkanı dəyərləndirmək istəyirəm".
Ən gənc tələbə gələcəkdə təhsilini xaricdə davam etdirməyi də planlaşdırdığını qeyd edib: "Universiteti bitirdikdən sonra xaricdə özümü inkişaf etdirmək, daha sonra isə yenidən ölkəmə qayıtmaq istəyirəm".
Gülşən Məmmədli qəbul imtahanına hazırlıq prosesinin intensiv keçdiyini deyib. Onun sözlərinə görə, məktəb dərsləri ilə yanaşı, repetitor yanında da hazırlaşıb: "Günə görə dəyişirdi. Bəzən üç saat, bəzən beş-altı, hətta yeddi saat hazırlaşırdım. Səhər və axşam vaxt tapdıqca dərs oxuyurdum. Ümumilikdə gündə orta hesabla beş-altı saat hazırlığa vaxt ayırırdım".
Bakıda yaşayan Gülşən seçim zamanı Azərbaycan Tibb Universitetini də qeyd etdiyini, lakin qəbul nəticəsinə əsasən Naxçıvan Dövlət Universitetinin tələbəsi olduğunu bildirib. O, Naxçıvanda təhsil almaq qərarında ailəsinin dəstəyinin mühüm rol oynadığını vurğulayıb: "Əlbəttə, Azərbaycan Tibb Universitetini də seçimlərim arasında yazmışdım. Qismətimə Naxçıvan düşdü. Valideynlərim mənə çox dəstək olurlar. Mən də bu şansı əldən vermək istəmirəm. Əsas odur ki, seçdiyim ixtisas üzrə - stomatologiya sahəsində təhsil alacağam".
Azedu.az-ın məlumatına görə isə, builki ən yaşlı tələbə 58 yaşlı Hüseynov Elbrus İsmayıl oğludur.
O, subbakalavr kimi Azərbaycan Memarlıq və İnşaat Universitetinin Kommunikasiya sistemləri mühəndisliyi ixtisasına əyani təhsil forması üzrə dövlət sifarişi əsasında qəbul olub.
E.Hüseynov qeyd edib ki, qrupun ən yaşlı tələbəsi olsa da, bunu problem kimi görmür və özünü gənclərin arasında gənc hiss edəcəyini düşünür: "Kollecdə mühəndislik üzrə təhsil almışam, qiymətlərim də yaxşı olub. Ondan sonra qərara gəldim ki, yenidən universitetə sənəd verim. Şükürlər olsun, qəbul oldum. Çalışacağam ki, həm işimə, həm də universitetdəki təhsilimə maneə yaratmadan təhsilimi başa vurum.
Azərbaycan Memarlıq və İnşaat Universitetində əyani təhsil alacağam. Qrupun ən yaşlı tələbəsiyəm, amma bunu heç bir problem kimi görmürəm. Özümü də həmin gənclərin içində gənc hesab edəcəyəm. Mənim ən böyük arzum həmişə tələbə olmaq idi. Lazım gələrsə, onlara köməklik göstərməyə də hazıram.
Oxumaq həvəsi məndə uşaqlıqdan olub. Atasız böyümüşəm. İmkansızlıqdan, düzdür, orta məktəbdə yaxşı oxumuşam, amma vaxtilə universitetin qapısını açmağa belə imkanım olmayıb. Amma uşaqlıqdan arzum olub ki, nəyin bahasına olursa-olsun, universitetə qəbul olum. O da bu ilə təsadüf etdi, şükürlər olsun.
Təhsilimi bitirdikdən sonra, Allah ömür versə, magistratura təhsilimi də başa vurmaq istəyirəm.
İnsan, birincisi, hər şeyə qadirdir. İkincisi də, həvəsdən düşmək lazım deyil. Görün, mən nə qədər çətinliklərlə qarşılaşmışam, atasız böyümüşəm... Bu qədər əzab-əziyyətin qarşısında qarşıma məqsəd qoymuşam ki, nə vaxtsa universitetə qəbul olacağam. İnsan qarşısına məqsəd qoyursa, tez və ya gec ona nail olmalıdır.
Ən yaşlı tələbə statusunda olmaq çox gözəl hissdir. Sevincimin həddi-hüdudu yoxdur, inanın. Nəvələrim bu xəbəri eşidəndə boynuma sarıldılar. Mənim üçün ən böyük xoşbəxtlik də nəvələrimin sevincini görmək oldu".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri