David Seliverstovdan Novella Cəfəroğluna sillə kimi cavab: "Azərbaycanda "siyasi məhkum" yoxdur"

Xəbər verdiyimiz kimi Demokratiya və İnsan Hüquqları Komitəsi" İB-nin sədri Çingiz Qənizadə son 20 gündən çoxdur ki, "Magen David Azerbaijan" insan hüquqlarının müdafiəsi və xeyriyyəçilik cəmiyyətinin sədri David Seliverstov haqqında bir neçə iddia irəli sürür. Çingiz Qənizadənin irəli sürdüyü iddialardan biri də David Seliverstovun insanlara qarşı dələduzluq etdiyi və onlardan külli miqdarda pul alıb qaytarmamağıdir. Hətta bu barədə təkcə ona deyil digər hüquq müdafiəçiləri Novella Cəfəroğluya, Səidə Qocamanlıya və Səadət Bənənyarlıya zərərçəkən şəxslərə müraciət edərək, kömək istəyiblər. Məsələni aydınlaşdırmaq üçün David Seliverstov Novella Cəfəroğlu ilə əlaqə saxlayıb. Novella Cəfəroğlu telefon danışığı zamanı Çingiz Qənizadənin onun adını mətbuatda niyə çəkdiyini bilmədiyini və məsələdən xəbərsiz olduğunu söyləyib.Ən önəmlisi Novella Cəfəroğlu isə Çingiz Qənizadənin iddia etdiyi 90 min manat məsələsindən məlumatının olmamasını və bu işin qanun çərçivəsində həll oluna biləcəyini vurğulayıb.

Novella Cəfəroğlu mətbuata açıqlamasında bildirib ki, Çingiz Qənizadə uzun müddətdir dostdurlar:

"Biz heç vaxt kimdənsə pul almayıblar. Bu qədər siyasi məhbus azadlığa çıxarmışıq.İnanmıram ki, Çingiz Qənizadə pul məqsədi ilə bu addımı atsın".

Novella Cəfəroğlunun sonuncu müsahibəsində səsləndirdiyi fikirlərlə bağlı"Magen David Azerbaijan" insan hüquqlarının müdafiəsi və xeyriyyəçilik cəmiyyətinin sədri David Seliverstov Sonxeber.az-a bildirib ki, Azərbaycanda siyasi məhbus yoxdur:

Dövlət başçısı cənab prezident İlham Əliyev də bu fikiri dəfələrlə səsləndirib və qeyd edib ki, Azərbaycanda heç kəs siyasi zəmində həbs olunmayıb:

"Novella xanım, siz loqonu araşdırmaq əvəzinə, zəhmət olmasa, konkret olaraq hansı "siyasi məhbusun" azadlığa buraxıldığını və həmin şəxsə bu statusun hansı hüquqi meyarlar əsasında verildiyini açıqlayın. Əks halda, belə ifadələr Azərbaycan Respublikasının açıq şəkildə bəyan edilmiş rəsmi mövqeyi ilə ziddiyyət təşkil edir.

Novella xanım, bir ana və Azərbaycan qadını kimi sizdən üzr istəməyi düşünürdüm. Çünki silahdaşlarınız tərəfindən mənə qarşı qarayaxma kampaniyası aparıldığını, sizin isə bu prosesə cəlb edildiyinizi hesab edirdim. Lakin sizin sonuncu müsahibənizdən sonra fikrimdən daşındım. Siz hər hansı loqonu araşdıra və müzakirə edə bilərsiniz. Ancaq Azərbaycan Respublikasının rəsmi mövqeyinə bu cür yanaşmağınız məndə dərin təəssüf hissi doğurdu. Hüquq müdafiəçisi şəxsi və ya siyasi qiymətləndirmələrlə deyil, konkret faktlar və hüquqi meyarlarla danışmalıdır".

Novella Cəfəroğlunun Çingiz Qənizadə ilə birlikdə siyasi məhbusları azadlığa buraxmasına köməklik göstərməsi ilə bağlı fikirlər səsləndirdiyi həmin müsahibəni oxucularımıza təqdim edirik:

Telegramda izləyin