ZAUR İSLAMOV: Çoxları elə bilir ki, cavandırsa deməli ürəyində heç bir problem ola bilməz
Ürək-damar xəstəlikləri dünyada ən geniş yayılmış sağlamlıq problemlərindən biridir. Stress, düzgün qidalanmama, hərəkətsizlik, siqaret, yüksək təzyiq və digər risk faktorları ürək xəstəliklərinin yaranma ehtimalını artıra bilər. Erkən müayinə və risk faktorlarına nəzarət isə ciddi fəsadların qarşısının alınmasında mühüm rol oynayır. Bəs ürəyimizi nə yorur? Səssiz təhlükənin səbəbləri nələrdir?
Sonxeber.az-a açıqlama verən kardioloq Zaur İslamov ürək-damar xəstəliklərinin əsas risk faktorlarından danışıb:
"Ürək xəstəlikləri niyə cavanlaşıb sualının bir cavabı yoxdur. Çünki ürək xəstəlikləri daha doğru desək, ürək damar xəstəlikləri multifaktorludur. Yəni səbəbləri çoxdur. Səbəblər hipodinamiya, artıq çəki, pis vərdişlər, stress və sairədir. Əsasə səbələrdən biri mənə belə gəlir bu barədə marifləndirmənin azlığıdır. Çoxları elə bilir ki, cavandırsa deməli ürəyində heç bir problem ola bilməz. Və buna görə də döş qəfəsində ağrılar olanda həkimə müraciət etmir, ya da çox gecikmiş halda müraciət edir. Amma cavan yaş avtomatik olaraq ürəyin sağlam olması demək deyil".
Həkimin sözlərinə görə, ürəyi sıradan çıxaran əsas amillər yüksək təzyiq, xolesterin və şəkərdir:
"Ətraf mühitdən isə artıq stress, tütün çəkmə, alkoqol, artıq çəki, çox yüksək gərginlikli məşqlər - bütün bunlar ürəyə mənfi təsir edir. Səssiz təhlükə ürəkdə yaranan problemləri çox gözəl ifadə edir. Ürəyi zədələyən amilləri biz hansısa bir müayinə üsulu ilə müəyyən etməsək hiss etmirik. Yüksək xolesterini yalnız laborator analizlərdə hiss edə bilərik. Damar xolesterinlə tutulub infarkt və insult olmayınca insan xolesterini hiss etmir. Həmçinin yüksək təzyiq - insların çoxu elə bilir ki,təzyiq olan zaman mütləq baş ağrısı olmalıdır. Həqiqət budur ki, illərlə təzyiqlə gəzib xəbəri olmayanlar var. Biz təzyiqi heç cür hiss etmirik. Ona görə də adətən pasiyent yaxınlaşanda artıq hipertenziya xəstəliyinin 2 -3 dərəcəsi olur. Şəkərə də bu aiddir. Baxmayaraq ki, 1-ci tip şəkər xəstəliyi dərhal hiss edilən xəstəlikdir və pasiyentlərin çoxu cavanlıqdan bunu hiss edir, 80-90% pasiyentlərdə 2-ci tip şəkərdir, hansı ki demək olar ki, hiss olunmur və yalnız müayinə zamanı müəyyən olunur"
Sonda kardioloq vətəndaşlara xəbərdarlıq edib:
"Bütün bu problemlər illərlə içəridən bizim ürəyi zədələyir. Tam səssizcə və yalnız iri ürək -damar hadisəsi baş verəndə - yəni ürək damar hadisəsi dedikdə, biz infarkt və ya insult nəzərdə tuturuq, yalnız onda pasiyentlərin çoxu həkimə müraciət edir və problemlər olduğu müəyyən edilir. Ona görə də bu problemlərdən qaçmaq üçün hər bir insan ildə bir dəfə kardioloq müayinəsindən keçməli və yaranan problemləri ilkin mərhələdə aradan qaldırmalıdır"
Lalə Məmmədova
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri