Bu il dənizdə boğulma halları niyə çox oldu? - AÇIQLAMA
Bu yay Xəzər dənizində boğulma halları ilə bağlı xəbərlər yenidən gündəmə gəlib. FHN-in məlumatlarına görə, əsas risklər arasında qeyri-çimərlik ərazilərində və xilasedicilərin nəzarəti olmayan yerlərdə suya girmək, küləkli və dalğalı havada dənizə daxil olmaq, təhlükəsizlik qaydalarına əməl etməmək və uşaqların nəzarətsiz qalması göstərilir.
Bəsbu yay Xəzərdə boğulma hallarının artmasının əsas səbəbləri nələrdir və qeyri-çimərlik ərazilərində dənizə girmək, təhlükəsizlik qaydalarına əməl etməmək, eləcə də hava və dəniz şəraiti bu hadisələrə nə dərəcədə təsir göstərir?
Mövzu ilə bağlı Sonxeber.az-a açıqlama verən təhlükəsizlik eksperti Orxan Musayev bildirib ki, çimərliklərdə baş verən faciələrin böyük əksəriyyəti insan faktoru ilə bağlıdır.
"Qarşısı alına biləcək səhvlər nəticəsində insanlar özlərini təhlükəli vəziyyətə salırlar. Dəniz istirahəti insanların ən çox üstünlük verdiyi istirahət növlərindən biri olsa da, bu gözəllik çox qısa zamanda və qəfil şəkildə insan həyatı üçün təhlükəyə çevrilə bilər. Bəzən insanlar dənizdə istirahət edərkən suyun təhlükəli tərəfinin olduğunu unudurlar. Təəssüf ki, spirtli içki qəbul etdikdən sonra suya girmək, uşaqları nəzarətsiz buraxmaq və qadağan olunmuş ərazilərdə çimmək bəzi insanlar üçün adi davranışa çevrilib. İnsanlar yalnız nəzarət olunan və rəsmi fəaliyyət göstərən çimərliklərdən istifadə etməlidirlər. Belə ərazilərdə Fövqəladə Hallar Nazirliyinin xilasedici heyəti fəaliyyət göstərir və hər hansı fövqəladə hadisə baş verdikdə çevik müdaxilə etmək mümkündür. Nəzarətsiz çimərliklərdə isə xilasedici xidmət olmadığından, hadisə zamanı insan həyatının xilas edilməsi çətinləşir".
Ekspert bildirib ki, nəzarət olunan çimərliklərdə suyun dərinliyi müəyyən edilir, insanların ayağına xəsarət yetirə biləcək daş, daş qırıntıları və qayalar təmizlənir:
"Dənizə girməzdən əvvəl hava şəraiti, küləyin gücü və dalğaların hündürlüyü də mütləq nəzərə alınmalıdır. Hətta peşəkar üzgüçülər belə meteoroloji amillərin təsiri nəticəsində çətin vəziyyətə düşə bilərlər. Bu istiqamətdə maarifləndirici və təbliğat xarakterli işlər daha da gücləndirilməlidir. İnsanlar yalnız "dalğa var, üzmək olmaz" kimi xəbərdarlıqları eşitməklə kifayətlənməməli, dalğaların insan orqanizminə təsirini, su axınına düşdükdə hansı təhlükələrin yarana biləcəyini və boğulma zamanı orqanizmdə baş verən prosesləri də bilməlidirlər. Çimərliklərdə qaydaların pozulmasına da daha ciddi yanaşılmalıdır. Qadağan olunmuş ərazilərdə çimmək və spirtli içki qəbul etdikdən sonra suya girmək kimi hallara qarşı həm ictimai qınaq, həm də qanunvericiliyə uyğun inzibati tədbirlər görülməlidir. Çünki faciələrin təkrarlanmasına səbəb olan əsas amillərdən biri insanların "mənə heç nə olmaz" düşüncəsidir. Bu yanaşmadan mümkün qədər uzaqlaşmaq lazımdır"
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri