Bu şəxslərin fəaliyyəti ayrıca VERGİ UÇOTUNA alınacaq: Hansı yeniliklər olacaq?

Bu şəxslərin fəaliyyəti ayrıca VERGİ UÇOTUNA alınacaq: Hansı yeniliklər olacaq?Sosial media üzərindən reklam, marketinq və digər əməkdaşlıqlardan gəlir əldə edən şəxslərin fəaliyyəti üçün Dövlət Vergi Xidməti tərəfindən "Rəqəmsal platforma təsirçisi" adlı ayrıca uçot təsnifatı yaradılıb. Bu addım sosial media gəlirlərinin daha düzgün rəsmiləşdirilməsi və vergi uçotunun şəffaflaşdırılması məqsədi daşıyır.

Bəs, bloqçu və influenserlərin fəaliyyətinin ayrıca vergi uçotuna alınması onların gəlirlərinin daha şəffaf bəyan edilməsinə və vergidən yayınma hallarının azalmasına nə dərəcədə təsir göstərə bilər?
Bu şəxslərin fəaliyyəti ayrıca VERGİ UÇOTUNA alınacaq: Hansı yeniliklər olacaq?Mövzu ilə bağlı Sonxeber.az-a açıqlama verən vergi eksperti Anar Bayramov bildirib ki, son illərdə bloqerlik və influenserlik yeni fəaliyyət sahəsi kimi geniş yayılıb:

"Bir çox şəxs sosial şəbəkələrdə aktiv fəaliyyət göstərir, müxtəlif şirkətlərin məhsullarını öz səhifələrində reklam edir, məhsullar haqqında məlumat verir və bunun müqabilində həmin şirkətlərdən ödənişlər alır. Bu sahədə əldə olunan gəlirlər heç də az deyil. Ödənişlərin məbləği influenser və bloqerin cəmiyyətdəki nüfuzundan, auditoriyasından və reklamın formatından asılı olaraq dəyişir. Məsələn, "Reels" formatında reklamın, məhsul haqqında ətraflı məlumatın və ya qısa informasiyanın təqdim edilməsinin qiyməti fərqli ola bilər".

Ekspert bildirib ki, influenser və bloqerlərin gəlirlərinin həcmi onların həyat tərzində və sosial şəbəkələrdə paylaşdıqları məlumatlarda da müəyyən qədər öz əksini tapır:

"Bu şəxslərin bir qismi sözügedən fəaliyyətdən kifayət qədər gəlir əldə edir. Bununla yanaşı, hər hansı şirkətin məşhur şəxsə və ya bloqerə hədiyyə olaraq məhsul təqdim etməsi və həmin şəxsin də bunun qarşılığında şirkətə öz sosial şəbəkə hesabında təşəkkür bildirməsi avtomatik olaraq sahibkarlıq fəaliyyəti hesab edilmir. Belə hallarda şəxs natura formasında müəyyən fayda əldə etsə də, bunun vergiyə cəlb olunması qanunvericilikdə ayrıca sahibkarlıq fəaliyyəti kimi nəzərdə tutulmayıb. Əsas məsələ influenserin əldə etdiyi gəlirin hansı fəaliyyət nəticəsində formalaşdığının müəyyən edilməsidir. Qanunvericiliyə əsasən, sahibkarlıq fəaliyyəti gəlir və ya mənfəət əldə etmək məqsədilə şəxsin müstəqil şəkildə öz imkanlarından, əmlakından və potensialından istifadə etməklə həyata keçirdiyi fəaliyyətdir".

Onun sözlərinə görə, əgər bir şəxs əsas məqsədi gəlir əldə etmək olmaqla müxtəlif şirkətlərə reklam və digər xidmətlər göstərir və bunun müqabilində ödəniş alırsa, bu fəaliyyət sahibkarlıq fəaliyyəti hesab olunur:

"Bu halda əldə olunan gəlir də sahibkarlıq fəaliyyətindən əldə edilən gəlir sayılır. Sahibkarlıq fəaliyyətindən gəlir əldə edən şəxslər vergi orqanlarında uçota alınmalı, gəlirlərini bəyan etməli, müvafiq vergi bəyannamələrini təqdim etməli və qanunvericilikdə nəzərdə tutulan vergiləri ödəməlidirlər. Mövcud qanunvericiliyə əsasən, sahibkarlıq fəaliyyətindən əldə olunan gəlirlərdən həmin fəaliyyətlə bağlı xərclər çıxıldıqdan sonra qalan gəlirdən 20 faiz dərəcəsi ilə vergi ödənilməsi nəzərdə tutulur. Təəssüf ki, indiyədək bu sahədə nəzarət tədbirləri nisbətən zəif olub. Lakin son dövrlərdə vergi orqanları tərəfindən bloqer və influenserlərin fəaliyyəti ilə bağlı məsələlərə daha ciddi diqqət ayrılır və xüsusi vergi nəzarəti tədbirlərinin artırılması nəzərdə tutulur".

Ekspert qeyd edib ki, gələcəkdə bu fəaliyyət sahəsi üçün xüsusi vergi dərəcəsinin, uçota alınma və ya vergi rejiminin müəyyənləşdirilməsi də mümkündür:

"Eyni zamanda, bloqer və influenserlərin digər vergi ödəyiciləri kimi ümumi qaydada uçota alınması, əldə etdikləri gəlirləri bəyan etmələri, hesabat təqdim etmələri və müvafiq vergiləri ödəmələri də tətbiq oluna bilər".

Röyalə Xəyal


Sonxeber.az
Telegramda izləyin
Sosial   Baxılıb: 1476   Tarix: 04 sentyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Daha bir vəkil həbs edildi

Azərbaycanda daha bir vəkil həbs edilib. "Qafqazinfo"nun əldə etdiyi məlumata görə, vəkil Elçin Əmirov polis tərəfindən tutulub. 9 saylı vəkil bürosunda fəaliyyət göstərən vəkil polisə daxil olan vətəndaş şikayəti əsasında cinayət məsuliyyətinə cəlb edilib. Ona qarşı Cinayət Məcəlləsinin 178.2.2-c

16 noyabr
.

Güclü küləklə bağlı xəbərdarlıq

Noyabrın 17-də Bakıda və Abşeron yarımadasında, eyni zamanda bəzi bölgələrdə gözlənilən küləkli hava şəraiti ilə bağlı sarı xəbərdarlıq edilib. Bu barədə -a Milli Hidrometeorologiya Xidmətindən məlumat verilib. Bildirilib ki, Bakıda və Abşeron yarımadasında, Şamaxı, Qobustan, Xızı, Xaçmaz, Siyəzən, Şabran

16 noyabr
.

Məktəblərdə sərt qaydalar tətbiq oluna bilər: Cərimə, qırmızı kart və uzaqlaşdırılma

Azərbaycanda müəllimlər üçün yeni öhdəliklər müəyyənləşdirilib. İmzalanmış yeni qərara əsasən, təhsilverənlərin etik davranış qaydalarına əlavələr edilib. Yeni tələblərə əsasən, təhsilverənlər uşaqları fiziki və psixi zorakılığın bütün formalarından qorumalı, onları zərərli vərdişlərdən çəkindirməli

15 noyabr
.

Bakıda DƏHŞƏT: Avtobus gənc qızı vuraraq öldürdü

Bakıda səhər saatlarında ölümlə nəticələnən yol-nəqliyyat hadisəsi baş verib. -in "qaynar xətti"nə daxil olan məlumata görə, hadisə Koroğlu metrostansiyasının çıxışında qeydə alınıb. "Daewoo" markalı sərnişin avtobusu yolu keçən gənc qızı vurub. Zərbənin təsirindən ağır xəsarət ala

16 noyabr
.

Milli teleradio: Dövlətçilik ənənələrinin, milli kimliyin və Azərbaycan həqiqətlərinin təbliğində strateji vasitə

"Azərbaycan Respublikasının Prezidenti İlham Əliyevin milli radio və televiziya yayımının yubileyi münasibətilə ünvanladığı müraciət ölkəmizin informasiya siyasətinin əsas istiqamətlərini, milli medianın cəmiyyət və dövlət qarşısındakı məsuliyyətini, eləcə də müasir dövrdə informasiya təhlükəsizliyini

16 noyabr
.

10° şaxta olacaq

Noyabrın 17-də gözlənilən hava şəraiti açıqlanıb. Milli Hidrometeorologiya Xidmətindən -a verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin axşam bəzi şəhərətrafı ərazilərdə qısamüddətli az yağı

16 noyabr
.

Məşhur salonlar şəbəkəsinin rəhbəri ilə bağlı məhkəmədən qərar

"Beautytime" salonlar şəbəkəsinin rəhbəri Könül Həmzəyevanın təqsirləndirilən şəxs qismində cəlb olunduğu işlərdən biri yekunlaşıb. "Unikal"a istinadən xəbər verir ki, xüsusi ittihamçı Röyal Masiyevin şikayəti əsasında Könül Həmzəyevanın Cinayət Məcəlləsinin 147.2-ci (ağır cinayə

16 noyabr
.

Azərbaycanda yerli QHT-lər yenidən qeydiyyata alınacaq

Azərbaycanda yerli QHT-lər və xarici QHT-lərin filial və ya nümayəndəlikləri qanunvericiliyə ediləcək dəyişikliklərlə əlaqədar yenidən dövlət qeydiyyatına alınmaq üçün müvafiq icra hakimiyyəti orqanına müraciət etməli olacaqlar. xəbər verir ki, bu, Milli Məclisin 17 və 18 noyabr tarixlərində keçiriləcə

17 noyabr
.

"Boranı" restoranında tək yeyib-içmək olmaz? - Video

Sosial şəbəkələrdə "Boranı" restoranlar şəbəkəsi ilə bağlı şikayət yayılıb. xəbər verir ki, şikayətçinin iddiasına görə, restoranın "Neftçilər" metrosu yaxınlığında yerləşən filialına tək daxil olmaq istəyən müştəriyə icazə verilməyib. Ona bildirilib ki, yalnız 3-4 nəfərlə gəldikd

16 noyabr