Cekpotdan sonra nə etdilər? - Milyon qazananların ən maraqlı qərarları

Cekpotdan sonra nə etdilər? - Milyon qazananların ən maraqlı qərarlarıBir gecədə milyonçu olmaq çoxlarının xəyalıdır. Amma böyük cekpotu qazandıqdan sonra daha maraqlı sual ortaya çıxır: bu qədər pulla nə etmək olar?

Dünyanın müxtəlif ölkələrində lotereyada böyük uduş qazanan insanların seçimləri göstərir ki, milyonlarla ölçülən sərvətin taleyi də onun sahibi qədər fərqli olur. Kimisi qazancını doğma şəhərinə, sevdiyi futbol klubuna və ya məktəbə dəstəyə, digəri isə bütün uduşunu xeyriyyəyə yönəldib.

Milyonları qazandılar, 98 faizini bağışladılar
2010-cu ildə Kanadanın Nova Scotia əyalətində yaşayan Violet və Allen Large "Lotto 6/49" tirajında təxminən 11,2 milyon Kanada dolları (13,82 milyon AZN) qazandılar.
Təqaüdçü cütlük əvvəlcə ailə üzvlərinə kömək etdi, daha sonra isə qazancın böyük hissəsini xəstəxanalara, yanğınsöndürmə xidmətlərinə, kilsələrə, Qırmızı Xaça və digər xeyriyyə təşkilatlarına bağışladı. Violet həmin dövrdə xərçəng müalicəsi aldığı üçün onun müalicə olunduğu xəstəxanalar da yardım alanlar arasında idi.
Nəticədə Large ailəsi uduşun təxminən 98 faizini başqalarına yardım üçün ayırdı və milyonçu olduqdan sonra belə sadə həyat tərzini dəyişmədi.

Cekpotdan sonra nə etdilər? - Milyon qazananların ən maraqlı qərarlarıMilyon qazandı, doğma şəhərinə su parkı hədiyyə etdi

ABŞ-da yaşayan John Kutey böyük uduşunu doğma şəhərində uşaqlar üçün qalıcı bir layihəyə çevirdi.
2011-ci ildə Nyu-York ştatında çalışan yeddi nəfərlik qrupun bileti "Mega Millions" lotereyasında 319 milyon dollarlıq cekpot qazandı. John Kuteyin payı isə 28,7 milyon dollar oldu.
John və həyat yoldaşı Linda qazandıqları pulun bir hissəsini doğma şəhərləri Green Islanda sərf etmək qərarına gəldilər. Şəhər rəhbərliyinə "Şəhərimiz üçün nə edə bilərik?" sualını verən cütlük nəticədə köhnə hovuzun yerində uşaqlar üçün yeni "spray park"ın yaradılmasına 200 min dollar bağışladı.
2013-cü ildə istifadəyə verilən park onların valideynlərinin xatirəsinə həsr edildi. Beləcə, lotereya uduşu bütöv bir şəhərdə yaşayan uşaqlara sevinc gətirən layihəyə çevrildi.

Cekpotdan sonra nə etdilər? - Milyon qazananların ən maraqlı qərarlarıCekpotu sevdiyi futbol klubunun gələcəyinə yatırdı

Futbol azarkeşləri üçün ən maraqlı nümunələrdən biri şotlandiyalı Colin Weirin hekayəsidir. Colin və həyat yoldaşı Christine Weir 2011-ci ildə "EuroMillions" lotereyasında 161,6 milyon funt sterlinq qazandılar.
Uşaqlıqdan "Partick Thistle" klubunun azarkeşi olan Colin Weir 2013-cü ildə klubun gənclər akademiyasının yaradılması üçün 750 min funt sterlinq ayırdı. Sonradan "Thistle Weir Youth Academy" adlandırılan akademiyaya 2018-ci ildə əlavə 600 min funt sterlinq dəstək göstərildi.
Onun da daxil olduğu investorların maliyyə dəstəyi ilə klub borclarını bağlayaraq daha sabit vəziyyətə keçdi. Weirin hekayəsi göstərdi ki, futbol sevgisi bəzən tribunadan kənara çıxaraq sevdiyin klubun gələcəyinə real sərmayəyə çevrilə bilər.

Cekpotdan sonra nə etdilər? - Milyon qazananların ən maraqlı qərarlarıLee Ryan - £6,5 milyonluq uduşunu lüks həyata çevirdi

1995-ci ildə Böyük Britaniyada Lee Ryan və sevgilisi Karen Taylor £6,527,880 (15 milyon AZN) məbləğində cekpot qazandılar. Ryan qazandığı pulla təxminən £1 milyonluq malikanə, Ferrari Testarossa, Bentley, Porsche, Jaguar, BMW, iki Ducati motosikleti, təyyarə və £235 minlik Bell JetRanger helikopteri aldı. O dövrün mətbuatı onu lotereyanın "ən ekstravaqant qalibi" adlandırırdı. Ryanın hekayəsi böyük cekpot qazanan insanların pullarını necə qeyri-adi və dəbdəbəli şəkildə xərcləyə bildiyinin ən məşhur nümunələrindən biri olaraq qalır.

Cekpotdan sonra nə etdilər? - Milyon qazananların ən maraqlı qərarları590 milyon dollarlıq cekpotdan məktəbə 1,8 milyon dollar

2013-cü ildə 84 yaşlı Gloria Mackenzie "Powerball"da 590,5 milyon dollarlıq cekpot qazandı.

Lakin Mackenzie diqqəti yalnız rekord uduşu ilə çəkmədi. Onun vaxtilə yaşadığı East Millinocket şəhərindəki "Schenck High School" ciddi təmirə ehtiyac duyurdu və məktəbin damı su buraxırdı.
Mackenzie məktəbə 1,8 milyon dollar bağışladı. Vəsait damın dəyişdirilməsi və digər vacib təmir işlərinə yönəldildi. Sonradan məktəbin adının onun şərəfinə dəyişdirilməsi təklif edilsə də, cekpot qalibi bunu qəbul etmədi.

Cekpotdan sonra nə etdilər? - Milyon qazananların ən maraqlı qərarlarıCekpotdan sonra nə etdilər? - Milyon qazananların ən maraqlı qərarlarıAzərbaycanda cekpot qalibi uduşunu necə dəyərləndirmişdi?

Böyük uduşların fərqli şəkildə dəyərləndirilməsinə Azərbaycanda da nümunə var.
2023-cü ildə "4+4" tirajlı lotereyasında 913 072 manatlıq cekpot qazanan Xaçmaz sakini Kamran Məmmədsəidov həmin dövrdə Azərbaycan lotereya tarixinin ən böyük cekpotunun sahibi olmuşdu.
O, qazandığı pulla Xaçmazda yeni ev alıb, kənddəki evini təmir etdirib və avtomobil alıb. Həmçinin satıcı kimi işlədiyi daş karxanasında indi özü də rəhbər olub. Bununla yanaşı, 50 min manata yaxın vəsaiti müxtəlif insanlara yardım məqsədilə verdiyini bildirib. Gələcək planları arasında isə biznesini genişləndirmək fikri var.

Cekpotdan sonra nə etdilər? - Milyon qazananların ən maraqlı qərarlarıNövbəti böyük cekpot hekayəsi Azərbaycanda yazıla bilər

"Azərlotereya"nın "4+4" tirajlı lotereyasında cekpot Azərbaycan lotereya tarixində ilk dəfə 2 milyon manat həddini keçib. Bundan əvvəl "4+4"də qazanılmış ən böyük cekpot 913 072 manat idi. Hazırda 2 milyon manatı ötən rekord cekpot öz sahibini gözləyir.
Bəs həmin məbləğ bir gün sizin hesabınıza köçsəydi, ilk qərarınız nə olardı?
Xəyalınızdakı evi alardınız? Biznes qurardınız? Dünyanı gəzərdiniz? Yoxsa bu qaliblər kimi gözlənilməz bir qərarla başqa insanların həyatını dəyişdirərdiniz?
"4+4" lotereyasında şansını sınamaq istəyənlər biletləri "Azərlotereya" satış nöqtələri, "Azərpoçt" şöbələri, "Misli" məntəqələri, Azerlotereya.com və Misli.az platformalarından əldə edə bilərlər.
Kim bilir, bəlkə növbəti maraqlı cekpot hekayəsinin qəhrəmanı elə bizim aramızdadır.


Sonxeber.az
Telegramda izləyin
Sosial   Baxılıb: 566   Tarix: 10 sentyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

"Yaralanmışam, pensiya ala bilmirəm" - Müharibədə iştirak edən futbolçu

Vətən müharibəsi qazisi, "Kəpəz" klubunun sabiq futbolçusu, 1998-ci il təvəllüdlü Talib Rzayev müharibədə yaralanmağına baxmayaraq, ona hələ də əlillik dərəcəsinin təyin edilməməsindən narazıdır. Bu barədə "Qafqazinfo"ya müraciət edən T. Rzayev bildirib ki, 2019-cu ildə əsgərliy

17 sentyabr 2021
.

Vaksinasiyadan imtina edən üç min səhiyyə işçisi vəzifəsindən kənarlaşdırıldı

Fransada koronavirusa qarşı peyvənd olunmaqdan imtina edən üç min səhiyyə işçisi vəzifəsindən kənarlaşdırılıb. -a istinadən xəbər verir ki, bu barədə ölkənin səhiyyə naziri Olivye Veran bildirib. Onun sözlərinə görə, müvafiq tədbir müvəqqəti xarakter daşıyır. Belə ki, qeyd olunan əməkdaşların çoxu artı

17 sentyabr 2021
.

Maqsud Mahmudov Azərbaycana belə gətirildi - VİDEO

Xəbər verdiyimiz kimi, axtarışda olan keçmiş iş adamı Maqsud Mahmudov Ukraynada saxlanılıb. "Qafqazinfo" Maqsud Mahmudovun Azərbaycana deportasiya edilməsinin görüntülərini əldə edib. Videodan görünür ki, o, aeroportdan Daxili İşlər Nazirliyi əməkdaşları tərəfindən maşına yerləşdirilərək aidiyyət

18 sentyabr 2021
.

"Ölən öləcək, qalan qalacaq, həyat davam edir" - Rəşid Mahmudov pandemiyadan danışdı

Mütəxəssislər havaların soyuması ilə əlaqədar olaraq yoluxma sayının artacağını proqnozlaşdırırlar. Bununla bağlı artıq həyəcan təbili çalınır. Maraqlıdır insanların qapalı məkanlarda toplaşması, məktəblərin açılması həqiqətənmi yoluxmanı artıracaq?. Tibb Universitetinin dosenti, Əməkdar müəllim Rəşi

17 sentyabr 2021
.

Skuterdə gəzən it və pişik "Ginnesin Rekordlar Kitabı"na düşdü - FOTO - VİDEO

Kanadadan Lollipop adlı it və Saşimi adlı pişik skuterdə beş metr məsafəni qət etməklə "Ginnesin Rekordlar Kitabı"na düşüb. Filmlər və şoular üçün heyvanları təlim edən Melissa Millett Lollipop və Saşiminin skuter sürməyi xoşladıqlarını, lakin adətən bunu tək-tək həyata keçirdiklərini deyib

17 sentyabr 2021
.

Azərbaycanda koronavirusa yoluxanların sayı AÇIQLANDI

Son sutkada Azərbaycan Respublikasında koronavirus (COVID-19) infeksiyasına 1770 yeni yoluxma faktı qeydə alınıb, 3 788 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 24 nəfər vəfat edib. İndiyədə

17 sentyabr 2021
.

FHN leysan nəticəsində köməksiz qalan vətəndaşları xilas etdi -VİDEO

Güclü leysan yağışları nəticəsində Qusar rayonunun Urva kəndi istiqamətində bir qrup vətəndaşın köməksiz vəziyyətdə qalması barədə Fövqəladə Hallar Nazirliyinin "112" qaynar telefon xəttinə məlumat daxil olub. -ın Fövqəladə Hallar Nazirliyinin (FHN) saytına istinadən verdiyi xəbərinə görə

18 sentyabr 2021
.

ATS rabitə xidmətindən ŞİKAYƏT: "Belə sürünə-sürünə işlətməkdənsə..."

ın redaksiyasına ATS rabitə xidməti ilə bağlı şikayət daxil olub. Belə ki, şikayətçi Cəfər Məmmədovun sözlərinə görə, Binəqədi rayonu, Rəsulzadə qəsəbəsi, Əli Məmmədov küçəsində yerləşən 11 nömrəli binada günlərdir ki, internet bərbad vəziyyətdədir:. "Tək bizim "WiFi" olsa, modem aparatınd

18 sentyabr 2021
.

Şairdən Üzeyir Hacıbəyliyə qəribə təbrik: "Bunu sənə bağışlamaq olmur..."

"Xöşbəxt adamsan ki, Azərbaycan musiqisinin bu gününü görmədin". Qaynarinfo xəbər verir ki, bunu nəğməkar şair, Əməkdar İncəsənət Xadimi Baba Vəziroğlu dahi bəstəkar Üzeyir Hacıbəylini ad günü ilə əlaqədar təbrikdə yazıb. Şair bildirib ki, Üzeyir bəyin vaxtsız ölümü ilə Azərbaycan musiqis

18 sentyabr 2021