ADMİU-dan qovulan tələbə: "Sırğa taxdığıma görə..."
Ötən gün sosial şəbəkədə açdığı canlı yayım zamanı birinci kurs tələbələrinə qarşı hədə-qorxunu əks etdirən ifadələr işlətməsinə görə Azərbaycan Dövlət Mədəniyyət və İncəsənət Universitetindən (ADMİU) qovulan Kənan Zindadil təhsil ocağına yenidən qaytarılmasını istəyir.
Oxu.Az xəbər verir ki, bu barədə o, öz sosial şəbəkə hesabında paylaşdığı video müraciətdə danışıb.
Kənan Zindadil iddia edib ki, universitetə yeni qəbul olduğu zaman geyim tərzinə və sırğa taxmasına görə bullinq və təzyiqlərə məruz qalıb:
"Mən Azərbaycan Dövlət Mədəniyyət və İncəsənət Universitetində musiqili teatr ixtisasında ikinci kurs tələbəsi idim. Keçən il sentyabrın 15-də ora daxil olduğum zaman müxtəlif bullinqlər, müxtəlif təzyiqlərlə üzləşmişdim və buna görə hüquq-mühafizə orqanlarını universitetə dəvət etmişdim. Daha sonra universitet rəhbərliyinin mənə dediyi bəzi sözlərdən sonra şikayətimi geri çəkib onlardan şikayətçi olmamışdım. Dünən Elmi Şurada da dedim ki, mən həmin sözləri o məqsədlə deməmişəm. Orada mənə yazılan təhqirə cavab vermişəm. Yoxsa mən kiməsə durub canlı yayımda təhdid edərəm?
Hətta polis orqanına da dəvət olunanda cərimələndim. Dedim, özləri baxdılar, sentyabr-oktyabr aylarında İncəsənət Universitetində belə bir hadisə olub. Mən bullinqə, təhqirə, təzyiqə, sırğa taxdığıma və geyim tərzimə görə müxtəlif təhqirlərə məruz qalmışam. Daha sonra hüquq-mühafizə orqanları ora gəlib. Bunların hamısı orada yazılıb.
Amma bu il, yəni orada oxuyan uşaqlar, tələbələrin çoxu, birinci kurslardan olan uşaqlar deyir ki: "Kənan, sən kimə təzyiq göstərmisən? Sən bizim dostumuz olmusan, yaxın olmusan".
Mən buradan bütün lazımi qurumlara səslənirəm. Mənim haqsız yerə universitetdən xaric olmamağım üçün mənə kömək etsinlər.
Çünki ora üçün əziyyət çəkib hazırlaşmışam. İstədiyim fakültədə, istədiyim sənətdə oxuyurdum. Aktyor sənəti Azərbaycanda başqa heç bir universitetdə yoxdur. Mən iki il əziyyət çəkib gəlmişəm və mən orada heç bir, necə deyim, kəsrim, qayıbım olmayıb. Mən oxuduğuma görə təqaüd alırdım. Amma dünən Elmi Şurada mənə bəzi elə sözlər də deyilib ki, onlar da hətta mənim üçün alçaldıcı ifadələrdir. Yəni bir rəhbərlik bunu mənə deməməli idi.
Mənim universitetdə oxuduğum iki semestr boyu nə hər hansı bir töhmətim olub, nə mənim valideynim universitetə çağırılıb. Müəllimlərə qarşı hər zaman hörmətli olmuşam, müəllimlərlə hər zaman xoş davranmışam. Yəni ən azından müəllimlər də bunu deyə bilərlər axı, mən elə olmuşamsa. Mən heç bir zaman pis olmamışam heç birinizə qarşı.
Necə olur ki, amma kimsə mənim o videomu xoşu gəlmədiyi üçün kəsib-birləşdirib, məni hədəf göstərib, mən təhsilimdən olmuşam? Mən əziyyət çəkmişəm orada bir il, əziyyət! Mən hər gün universitetə gəlmişəm, getmişəm, dərslərimə hazırlaşmışam.
Haqsız yerə bu gün öz təhsilimdən yayınmışam, təhsilimdən geri qalıram.
Təhsilimdən geri qalmaq istəsəydim, elə mənim qayıblarım yığılardı, mən getməzdim də o universitetə. Deməli, mən universiteti sevirdim ki, universitetə hər gün səhər durub gedirdim".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri