David Seliverstov Çingiz Qənizadəyə qarşı xüsusi ittiham qaldırdı - məhkəmə iclası təyin edildi
İctimaiyyətə David Seliverstov adı ilə tanınan Abbasov Kazım Elşən oğlunun Çingiz Qənizadə barəsində xüsusi ittiham qaydasında verdiyi şikayət üzrə məhkəmə prosesi başlayır.
Məsələ ilə bağlı Sonxeber.az-a danışan Abbasov Kazım Elşən oğlunun vəkili Sahil Allahverdiyev bildirib ki, şikayət üzrə Binəqədi Rayon Məhkəməsində məhkəmə iclası təyin edilib.
Vəkil qeyd edib ki, məhkəməyə müraciətin əsasını Çingiz Qənizadənin müxtəlif media platformalarında Abbasov Kazım Elşən oğlu barədə səsləndirdiyi açıqlamalar təşkil edir. Müdafiə tərəfi həmin açıqlamalarda müvəkkili haqqında bir sıra məlumatların həqiqətə uyğun olmayan formada təqdim edildiyini hesab edir.
Sahil Allahverdiyev qeyd edib ki, xüsusilə müvəkkili haqqında işlədilən "milli bir dələduzdur" ifadəsi, eləcə də onun pul ələ keçirməsi və hədə-qorxu gəlməsi ilə bağlı açıqlamalar məhkəmə qaydasında mübahisələndirilir.
"Məhkəməyə müraciətimiz konkret media açıqlamalarına və şikayətdə irəli sürdüyümüz ittihamları əsaslandıran sübutlara söykənir. Müvəkkilim haqqında işlədilmiş "milli bir dələduzdur" ifadəsini, onun pul ələ keçirməsi və hədə-qorxu gəlməsi barədə açıqlamaları hüquqi müstəvidə mübahisələndiririk. Hesab edirik ki, həmin açıqlamalarda həqiqətə uyğun olmayan məlumatlar baş vermiş hadisələr kimi təqdim olunub və bu, müvəkkilimin şərəf və ləyaqətinə, eləcə də ictimai nüfuzuna zərər vurub", - deyə vəkil bildirib.
Onun sözlərinə görə, müdafiə tərəfi məhkəməyə yalnız şifahi etirazlarla kifayətlənməyib və öz mövqeyini əsaslandıran materialları da təqdim edib.
"Şikayətimizin əsaslılığını təsdiqləmək üçün mübahisəli yayımları və pul münasibətlərinin açıqlamalarda göstəriləndən fərqli olduğunu əsaslandıran materialları məhkəməyə təqdim etmişik. Bu materialların məhkəmə tərəfindən araşdırılmasını və hüquqi qiymət verilməsini gözləyirik", - deyə Sahil Allahverdiyev vurğulayıb.
Vəkil bildirib ki, Binəqədi Rayon Məhkəməsinə təqdim edilən müraciət xüsusi ittiham qaydasında verilmiş şikayətdir. Bununla yanaşı, Abbasov Kazım Elşən oğlu özünə və dövlətin mənafelərinə qarşı törədildiyini bildirdiyi daha ağır xarakterli əməllərlə bağlı prokurorluq orqanlarına da ayrıca müraciətlər edib.
Müdafiə tərəfinin məlumatına görə, həmin müraciətlər hazırda araşdırılır.
Beləliklə, tərəflər arasında mediada səsləndirilmiş qarşılıqlı iddialar artıq məhkəmə müstəvisinə keçir. Proses çərçivəsində mübahisələndirilən açıqlamaların məzmunu, onların hansı faktlara əsaslandığı, təqdim olunan sübutlar və tərəflərin hüquqi mövqeləri araşdırılacaq.
Qeyd edək ki, bu mərhələdə səsləndirilən ittiham və iddialar tərəflərin mövqeləridir. Onların hüquqi əsaslılığına yekun qiyməti məhkəmə verəcək.

Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri