David Seliverstovdan Çingiz Qənizadəyə qarşı yeni hüquqi zərbə - sabah məhkəmə başlayır

İctimaiyyətə David Seliverstov adı ilə tanınan Abbasov Kazım Elşən oğlunun Çingiz Qənizadə barəsində xüsusi ittiham qaydasında verdiyi şikayət üzrə məhkəmə prosesi sabah başlayır.

Sonxeber.az xəbər verir ki, işə Binəqədi Rayon Məhkəməsində baxılacaq. Sabah keçiriləcək məhkəmə iclasında xüsusi ittiham qaydasında təqdim edilmiş şikayət üzrə prosessual məsələlərin müzakirəsi və tərəflərin mövqelərinin dinlənilməsi gözlənilir.

Abbasov Kazım Elşən oğlu tərəfindən verilmiş şikayətdə Çingiz Qənizadənin müxtəlif açıqlamaları ilə bağlı hüquqi qiymət verilməsi tələb olunur. Şikayətçinin mövqeyinə əsasən, məsələ ilə bağlı səsləndirilən bir sıra iddiaların hüquqi və faktiki əsaslarının məhkəmə araşdırması zamanı müəyyənləşdirilməsi vacibdir.
Qeyd edək ki, xüsusi ittiham qaydasında məhkəməyə müraciət tərəfin öz hüquqlarını məhkəmə yolu ilə müdafiə etmək imkanlarından biridir. İş üzrə hər hansı iddianın təsdiqlənmiş fakt kimi qiymətləndirilməsi isə yalnız məhkəmə araşdırmasının nəticəsindən sonra mümkün ola bilər.

Sabahkı iclasda tərəflərin məhkəməyə təqdim edəcəyi mövqelər və prosesin gedişi ictimaiyyətin diqqətində olacaq.
Məhkəmə iclasının nəticələri barədə əlavə məlumat veriləcək.
.

Telegramda izləyin