"CHAI CITY"yə görə 710 minlik qalmaqal: Sahibkarın evi və avtomobillərinə "stop" qoyuldu

"CHAI CITY"yə görə 710 minlik qalmaqal: Sahibkarın evi və avtomobillərinə "stop" qoyulduBakı Kommersiya Məhkəməsi "MF SET GROUP" Məhdud Məsuliyyətli Cəmiyyətinin brendi altında fəaliyyət göstərən "CHAI CITY Lounge and Tea House" restoranın icarə mübahisəsi ilə bağlı qərar qəbul edilib.

Qaynarinfo-nun əldə etdiyi məhkəmə sənədinə görə, mübahisə 808 kvadratmetr sahəsi olan qeyri-yaşayış obyektinin icarəsi ilə bağlı yaranıb.

İş materiallarına görə, tərəflər arasında 2024-cü ildə icarə müqaviləsi bağlanıb. Müqaviləyə əsasən, obyekt 5 il, yəni 60 ay müddətinə icarəyə verilib. Şirkət həmin məkanda restoran yaratmaq üçün əsaslı təmir və yenidənqurma işləri aparıb.

Şirkət iddia edir ki, obyektə ümumilikdə 710 281,20 manat investisiya qoyub.

Məhkəmə sənədində göstərilir ki, tərəflər arasında bağlanan müqavilənin 6.2-ci bəndində icarəçinin obyektə 300 min manat vəsait xərclədiyi qeyd olunub. Həmin bəndə əsasən, yalnız icarəçi obyekti könüllü şəkildə tərk edərsə, təmir-tikinti işlərinə sərf olunan vəsaitin geri qaytarılmayacağı nəzərdə tutulub.

İş materiallarına əsasən, obyektin sahibi Zeynalov Gülbala Əli oğlu daha əvvəl icarəçiyə qarşı məhkəməyə müraciət edib.

Həmin iş üzrə icarə müqaviləsinin ləğvi, şirkətin 808 kvadratmetrlik qeyri-yaşayış sahəsindən çıxarılması və obyektin boşaldılaraq sahibinə təhvil verilməsi barədə qərar qəbul edilib.

Bundan başqa, şirkətdən 169 447 manat icarə haqqı və 8 min manat cərimə, ümumilikdə 177 447 manat tutulması qət edilib.

Qətnaməyə əsasən, obyektin boşaldılacağı tarixədək şirkətdən hər ay 17 444,72 manat icarə haqqının tutulması da nəzərdə tutulub.

Hazırkı mübahisədə isə şirkət obyektə yatırdığı investisiyaların kompensasiyasını tələb edir.

Bundan əlavə, şirkətin məhkəməyə təqdim etdiyi mövqeyə görə, sonradan obyektin elektrik enerjisi də dayandırılıb. Nəticədə "Chaicity" restoranının fəaliyyəti faktiki olaraq dayanıb.

Məhkəmə sənədində bu hallar şirkətin iddiaları kimi əks olunub.

Şirkət hesab edir ki, icarə müqaviləsinin vaxtından əvvəl ləğv olunması nəticəsində obyektə qoyduğu böyük həcmli investisiyalardan istifadə imkanını itirib.

Bu səbəbdən Zeynalov Gülbala Əli oğlundan 710 281,20 manat tələb olunur.

Məhkəmə əmlakların bir hissəsinə qadağa qoydu

Şirkət iddianın gələcəkdə təmin olunacağı halda qətnamənin icrasının mümkün olması üçün Zeynalov Gülbala Əli oğlunun bir sıra əmlaklarına müvəqqəti təminat tədbiri tətbiq edilməsini istəyib.

Məhkəmə isə ərizəni qismən təmin edib.

Hakim İlkin Əliyevin qərardadına əsasən, Zeynalov Gülbala Əli oğluna məxsus aşağıdakı əmlakların özgəninkiləşdirilməsi qadağan edilib:

X1 markalı avtomobil;

Land Rover Range Rover markalı avtomobil;

DAF FT XF markalı yük avtomobili;

116,68 kvadratmetr sahəsi olan mənzil.

Məhkəmə hesab edib ki, həmin əmlakların satılması və ya başqa formada özgəninkiləşdirilməsi gələcəkdə iddia təmin edilərsə, qətnamənin icrasını çətinləşdirə bilər.

Eyni zamanda, məhkəmə şirkətin tələb etdiyi bütün əmlaklara qadağa qoymayıb. Qərardadda digər əmlakların özgəninkiləşdirilməsinə qadağa qoyulmasının cavabdehin hüquqlarının lüzumsuz məhdudlaşdırılmasına səbəb ola biləcəyi bildirilib.

Məhkəmə həmçinin vurğulayıb ki, şirkətin 710 281,20 manat xərc çəkdiyinə dair təqdim etdiyi hesabata əlavə olaraq digər mötəbər sübutlar tələb olunur. Fotoşəkillər obyektə təmir işlərinin aparıldığını göstərsə də, konkret olaraq 710 min manatdan çox xərc çəkilməsini təkbaşına təsdiqləmir.

Beləliklə, məhkəmə əsas mübahisə üzrə yekun qərar qəbul edilməzdən əvvəl cavabdehin üç avtomobili və mənzilinin özgəninkiləşdirilməsinə qadağa qoyub.

Qərardad dərhal icra edilməlidir.

Tərəflər qərardad rəsmi qaydada təqdim edildikdən sonra 10 gün ərzində Bakı Kommersiya Məhkəməsinə şikayət verə bilərlər. Şikayətin verilməsi qərardadın icrasını dayandırmır.

Qeyd edək ki, "MF SET GROUP" Məhdud Məsuliyyətli Cəmiyyətinin direktoru Əhmədov Nurlan Famil oğludur. Nizamnamə kapitalı 10 manat olan şirkətin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə 24185.5 AZN vergi borcu var.


Sonxeber.az
Telegramda izləyin
Sosial   Baxılıb: 384   Tarix: 22 sentyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Azərbaycanda Milli Dirçəliş Günüdür

Bu gün - noyabrın 17-si Azərbaycanda Milli Dirçəliş Günüdür. Bayram 1988-ci ilin noyabr-dekabrında Bakıda başlayan milli-azadlıq hərəkatı ilə bağlıdır. Həmin vaxt SSRİ rəhbərliyinin Qarabağ məsələsi ətrafında apardığı anti-Azərbaycan siyasəti nəticəsində Azərbaycanda antisovet xalq hərəkatı təşəkkü

17 noyabr
.

Direktorların işə qəbul nəticələri - Açıqlandı

2026-cı ildə keçirilmiş direktorların işə qəbulu müsabiqəsinin nəticələri elan edilib. "Qafqazinfo" xəbər verir ki, bu barədə MÜTDA məlumat yayıb. Bildirilib ki, müsabiqədə müəyyən edilmiş tələblərə cavab verən 463 nəfər uğur qazanıb. Namizədlərin müsabiqə nəticələri barədə məlumatlar onları

16 noyabr
.

Bab əl-Məndəb və Hörmüz eyni vaxtda risk altında: Azərbaycan tranzit marşrutları üçün bunun mənası nədir?

Körfəzdə gərginlik yenidən artıb. Noyabrın 13-də İran İnqilab Keşikçiləri Korpusu Bəhreyndəki ABŞ radarına hücum etdiyini açıqladı. ABŞ Mərkəzi Komandanlığı (CENTCOM) iki dronun vurulduğunu bildirdi, itki və zərər olmadığını dedi və radar iddiasını təkzib etdi (Al Jazeera, Reuters). Hər iki tərəfin iddias

16 noyabr
.

Azərbaycanda yerli QHT-lər yenidən qeydiyyata alınacaq

Azərbaycanda yerli QHT-lər və xarici QHT-lərin filial və ya nümayəndəlikləri qanunvericiliyə ediləcək dəyişikliklərlə əlaqədar yenidən dövlət qeydiyyatına alınmaq üçün müvafiq icra hakimiyyəti orqanına müraciət etməli olacaqlar. xəbər verir ki, bu, Milli Məclisin 17 və 18 noyabr tarixlərində keçiriləcə

17 noyabr
.

Milli teleradio ənənələri və dövlətçilik ideologiyası: Azərbaycan mediasının qarşısında duran yeni vəzifələr

Azərbaycanın milli dövlətçilik tarixində radio və televiziya yalnız informasiya yayımı vasitəsi deyil, həm də xalqın milli-mənəvi dəyərlərinin qorunması, tarixi yaddaşının yaşadılması və dövlətçilik ideologiyasının möhkəmləndirilməsi baxımından mühüm ictimai institutlardır. Prezident İlham Əliyevin Azərbayca

16 noyabr
.

Mediaya ayrılan pul çox azdır - Deputat

Mediaya ayrılan pul çox azdır. xəbər verir ki, bunu Milli Məclisin bu gün keçirilən plenar iclasında 2027-ci ilin dövlət büdcəsi zərfinin müzakirəsində deputat Hikmət Babaoğlu deyib. Deputat bildirib ki, düşüncəni, milli düşüncə platformasının keyfiyyətini təyin edən mediadır, televiziyalardır, televiziy

16 noyabr
.

İçərişəhərdə maşın park etməyin saatı 5 manatdır - RƏSMİ

"Qeyri-rezidentlər üçün qüvvədə olan tariflər ilk 15 dəqiqə üçün 3 manat, sonrakı hər saat üçün isə 5 manat təşkil edir. Avtomatlaşdırılmış sistem tərəfindən hesablanan 6 saat 4 dəqiqəlik parklanma müddəti üzrə 33 manatlıq ödəniş də müəyyən edilmiş tariflərə uyğundur. Tariflər və giriş şərtlər

16 noyabr
.

Deputat Ağalar Vəliyevin oğluna məxsus "Kristal Bakı" vətəndaşları aldadır?

Ölkənin aparıcı tikinti şirkətlərindən biri olan "Kristal Bakı" ASC (VÖEN - 3103396091) satışa çıxardığı mənzilləri alıcılara fərqli qiymətlərlə təqdim edir. "Real Azərbaycan" xəbər verir ki, şirkətin rəsmi saytı - " vasitəsilə satışa çıxarılan mənzillərin aylıq ödəniş məbləğlər

16 noyabr
.

Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA

Kirayə münasibətlərində ev sahibi ilə kirayəçi arasında yaranan mübahisələrdən biri də mənzilin boşaldılması tələbi ilə bağlıdır. Bəzi hallarda ev sahibləri kirayə haqqının gecikdirilməsini, müqavilə müddətinin başa çatmasını və ya mənzilə özlərinin ehtiyac duymasını əsas gətirərək kirayəçidən evi qıs

17 noyabr