Vahid məktəbli formasının tətbiqi sadəcə xarici görünüşlə bağlı məsələ deyil - AÇIQLAMA
"Vahid məktəbli formasının tətbiqi sadəcə xarici görünüşlə bağlı məsələ deyil, bilavasitə pedaqoji, psixoloji və sosial mühitin tənzimlənməsinə xidmət edir. Şagirdlər arasında maddi-sosial fərqlərin vizual şəkildə qabarmasının qarşısını almaqda bu sistem, düşünürəm ki, əsas təsirli mexanizmlərdən biridir. Xüsusilə keçid və yeniyetməlik dövründə olan uşaqlar geyimə, markalara və zahiri görünüşə qarşı həddindən artıq həssas yanaşırlar".
Bunu Sonxeber.az-a açıqlamasında təhsil eksperti Əmrah Həsənli bildirib.
O, bildirib ki, sərbəst geyim qaydaları tətbiq edildikdə ailələrin iqtisadi imkanları ilk növbədə geyimdə özünü büruzə verir:
"Bu da imkanları nisbətən məhdud olan ailələrin uşaqlarında mənəvi sıxıntıya, mühitdən təcrid olunmaya və həmyaşıdları arasında sıxışdırılma hallarına zəmin yarada bilər. Standart forma isə təhsil müəssisəsində vizual bərabərlik mühiti yaradır. Uşaqların diqqətini geyim rəqabətindən yayındıraraq tədrisə, daxili intizama və şəxsi potensiallarını reallaşdırmağa yönəldir".
Onun sözlərinə görə, geyim formasının şagirdlərin məktəbə mənsubiyyətinə və təlim prosesinə yanaşmasına da təsiri var:
"Vahid geyim şagirdə psixoloji baxımdan təhsil mühitində olduğunu və hansı missiyanı daşıdığını xatırladır. Bu, uşaqlarda öz məktəbinə aidiyyət duyğusunu artırır, komanda ruhunu və birgəyaşayış mədəniyyətini formalaşdırır. Müəyyən olunmuş geyim çərçivəsinə riayət etmək şagirdlərdə erkən yaşlardan məsuliyyət, özünüidarəetmə və daxili intizam vərdişlərinin formalaşmasına da kömək edir. Şagird sinfə daxil olarkən diqqətini zahiri görünüşə deyil, akademik mühitə və təhsil tapşırıqlarına cəmləyir. Nəticədə bu amil dərsə davamiyyətə, diqqətin tədrisə yönəlməsinə və ümumilikdə məktəbdaxili nizam-intizamın yüksəlməsinə müsbət töhfə verə bilər".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri