Keçmiş həyat yoldaşından "Yeraltı"nın ulduzu barədə etiraf

Türkiyəli aktrisa Melis İşiten 2019-cu ildə boşandığı Uraz Kaygılaroğlu ilə münasibəti barədə illər sonra diqqətçəkən açıqlamalar verib.

Sonxeber.az xarici mediaya istinadən xəbər verir ki, proqramlardan birinə qonaq olan İşiten keçmiş həyat yoldaşı ilə hazırda çox yaxşı dost olduqlarını və qızları Ada üçün birlikdə xoş münasibət saxladıqlarını bildirib.

Aktrisa Uraz Kaygılaroğlu ilə münasibətlərinin evliliklərindən belə daha yaxşı olduğunu deyib: "Bir-birimizə nifrət etmirik. Bir-birini çox sevən iki yaxşı dostuq. Bir çox evli cütlükdən daha yaxşı ailəyik".

İşiten keçmiş həyat yoldaşına olan hörmətini vurğulayaraq, "O yaşımda yenidən Urazla tanış olsaydım, yenə onunla evlənər və yenə Urazla övlad sahibi olardım. Çocuğumun atasının Uraz olmasına görə çox xoşbəxtəm" deyib.

Melis İşiten və Uraz Kaygılaroğlu 2014-cü ildə evlənib. Cütlüyün Ada adlı bir qızı var. Onlar 2019-cu ildə qarşılıqlı razılaşma ilə boşanıblar.

Telegramda izləyin