Evin yuxarı başına qoyurlar, amma tək yarpağı belə zəhər saçır

Hər evdə, salonda heç nədən xəbəri olmadan yetişdirilən bu bəzək bitkisi az qala bir uşağın həyatına son qoyurdu. Türkiyənin Tokat bölgəsində 2 yaşlı uşağın yarpağından bir parça dişləməsi ilə başlayan kabus reanimasiyada bitib.

Milli.Az xəbər verir ki, difenbaxiya bitkisi bitkidən qopardığı kiçik bir parçanı ağzına atan 2 yaşlı uşaq qısa müddət sonra ağlayaraq ailəsinin yanına qaçıb. Dodaqları və dili sürətlə şişən azyaşlı zəhərlənmə şübhəsi ilə aparıldığı xəstəxanada boğazının da qapanma həddinə çatması səbəbindən təcili olaraq reanimasiya şöbəsinə yerləşdirilib.

Nəfəs darlığı və müvəqqəti korluğa səbəb olur
Mütəxəssislərin və botaniklərin diqqət çəkdiyi ən kritik detal isə bitkinin şirəsində gizlənir. Difenbaxiya bitkisinin yarpaq və gövdə quruluşunda yüksək miqdarda kalsium oksalat kristalları mövcuddur. Bu kristallar ağız toxuması və ya gözlə təmas etdiyi anda minlərlə mikron ölçüsündə iynələr kimi toxumalara batır. Yarpağın çeynənməsi və ya şirəsinin ifraz olunması halında ağız, dodaq və dildə dərhal şiddətli yanma, keyləşmə və həddindən artıq şişkinlik müşahidə edilir. Boğaz toxumasında ödem yaranaraq nəfəs darlığı və boğulma riski ortaya çıxarkən, həddindən artıq tüpürcək ifrazı, ürəkbulanma, şiddətli qusma və gözlə təmas etdiyi halda isə buynuz qişada (kornea) ciddi qıcıqlanma ilə yanaşı, müvəqqəti korluq baş verə bilir.

Xalq arasında "ağladan çiçək" olaraq tanınır
Gövdəsindən və ya yarpaq uclarından zaman-zaman su damlatması və təmas edən şəxsdə yaratdığı dözülməz ağrı səbəbilə xalq arasında "ağlayan çiçək" və ya "ağladan çiçək" adlandırılan difenbaxiya xüsusilə kiçik uşaqlar və ev heyvanları üçün əsl vaxtlı bomba mahiyyəti daşıyır. Mütəxəssislər evlərində bu bitkini saxlayan ailələrə uşaqların və ev dostlarının əli çatmayacağı hündür sahələrə üstünlük verməyi, qulluq zamanı əlcək istifadə etməyi və təmasdan dərhal sonra əlləri yumağı tövsiyə edirlər.

Telegramda izləyin