Fərid Qayıbov: "Gənclərimiz beynəlxalq arenada ölkəmizi uğurla təmsil edir"

"Biz müxtəlif sahələrdə yeni qələbələrin şahidi oluruq. Beynəlxalq arenada ölkəmizi uğurla təmsil edən gənclərimiz var".

BiG.AZ xəbər verir ki, bunu gənclər və idman naziri Fərid Qayıbov "Gənc nəslin milli-mənəvi dəyərlər ruhunda tərbiyəsi" mövzusunda keçirilən konfransda çıxışı zamanı deyib.

Nazir bildirib ki, Prezident İlham Əliyev gənclərlə görüşlərində milli-mənəvi dəyərlərin əhəmiyyətini dəfələrlə vurğulayır. Onun sözlərinə görə, bu məsələ müvafiq dövlət proqramlarında və gənclər strategiyasında da əksini tapıb.

F.Qayıbov milli-mənəvi dəyərlərin təbliğində konfrans və forumların əhəmiyyətinə toxunaraq tədbirin təşkilatçılarına təşəkkür edib. O, gənclərlə işləyən şəxslərin bu cür müzakirələrdə iştirakının vacibliyini qeyd edib.

Nazir konfrans çərçivəsində maraqlı müzakirələrin aparılacağına əminliyini ifadə edib. O bildirib ki, gənclərin tariximizi və milli-mənəvi dəyərlərimizi unutmaması mühüm əhəmiyyət daşıyır.

Aynur Babazadə

Telegramda izləyin