Yüksək təzyiq və şəkərli diabet göz damarlarını zədələyə bilər

"Göz damarlarında hər hansı problem yoxdursa, bu, göz sağlamlığının göstəricilərindən biri hesab oluna bilər. Lakin yüksək qan təzyiqi və şəkərli diabet kimi xəstəliklər damarların zədələnməsinə səbəb ola bilər. Bu zaman gözdə müəyyən dəyişikliklər və şikayətlər meydana çıxa bilər".

Sonxeber.az xəbər verir ki, bunu Batıgöz Klinikasının oftalmoloqu Samirə Qələndərli Azərbaycan Sənaye Sığortanın "Ümumdünya Görmə günü" ilə əlaqədar media nümayəndələri üçün keçirdiyi görüşdə bildirib.

O, qeyd edib ki, belə hallarda vaxtında oftalmoloqa müraciət etmək vacibdir:

"Müayinə zamanı göz damarlarının vəziyyətini qiymətləndirmək üçün flüoresein angioqrafiyası adlı müayinədən də istifadə olunur. Bu üsul zamanı xüsusi kontrast maddə damara yeridilir və gözün damarlarının görüntüləri çəkilir. Beləliklə, maddənin damarlarda yayılması və damar divarlarından sızması kimi dəyişikliklər müəyyən edilə bilər".

Röyalə Xəyal

Telegramda izləyin