ABŞ və Avropa qrupları Husilər Ər-Riyad hava limanına hücum etdikdən sonra səyahət xəbərdarlıqları yayıblar

ABŞ-ın İordaniyadakı səfirliyi cümə günü Yaxın Şərqdəki amerikalılara regiondakı mövcud düşmənçiliklər fonunda səyahət tövsiyəsi verib.

Sonxeber.az The Jerusalem Post-a istinadən xəbər verir ki, bu xəbərdarlıq xüsusilə də Husilərin Səudiyyə Ərəbistanının Ər-Riyad hava limanına hücumuna işarə edib. Səfirlik yazıb ki, "İran tərəfindən dəstəklənən husilər Səudiyyə Ərəbistanına qarşı hərbi əməliyyatlarda iştirak ediblər, o cümlədən mülki hava limanlarına və digər vacib infrastruktura hücumlar nəticəsində mülki şəxslər arasında itkilər olub".

Səfirlik əlavə edib ki, "hərbi əməliyyatlar sürətlə şiddətlənmə potensialına malikdir" və amerikalılar, xüsusən də regiona və ya regiondan səyahət etməyi planlaşdırırlarsa, vəziyyəti yaxından izləməlidirlər.

Müəllif: İlkin Məmmədkərimov

Telegramda izləyin