Övladına ev bağışlayan valideyn sonradan əmlakını geri ala bilərmi? - Ekspertdən AÇIQLAMA
Daşınmaz əmlakın bağışlanması zamanı mülkiyyət hüququ bağışlanan şəxsə keçir. Lakin sonradan tərəflər arasında mübahisə yaranması, bağışlayanın qərarından peşman olması və ya müqavilənin bağlanması zamanı qanun pozuntularının aşkar edilməsi belə əqdlərin ləğvi məsələsini gündəmə gətirir. Xüsusilə, valideynlərin övladlarına bağışladığı ev və ya mənzilin sonradan geri qaytarılmasının mümkün olub-olmaması ilə bağlı hüquqi suallar yaranır.
Bəs, daşınmaz əmlak bağışlandıqdan və mülkiyyət hüququ qarşı tərəfə keçdikdən sonra bağışlama müqaviləsini ləğv etmək mümkündürmü? Hansı hallarda bağışlayan şəxs məhkəməyə müraciət edərək əmlakın geri qaytarılmasını tələb edə bilər və bu prosesdə hansı hüquqi əsaslar nəzərə alınır?
Mövzu ilə bağlı Sonxeber.az-a açıqlama verən əmlak məsələləri üzrə ekspert Fərid Cəfərli bildirib ki, əmlak bağışlandıqdan və mülkiyyət hüququ hədiyyə alanın adına rəsmiləşdirildikdən sonra da bağışlama müqaviləsinin ləğvi mümkündür. Lakin burada mühüm hüquqi prinsip ondan ibarətdir ki, bağışlayan şəxs yalnız fikrini dəyişdiyinə, ailə münasibətləri pozulduğuna və ya əmlakını geri almaq istədiyinə görə müqaviləni birtərəfli qaydada ləğv edə bilməz.
"Azərbaycan Respublikası Mülki Məcəlləsinin 673-cü maddəsinə əsasən, bağışlayan müəyyən qanuni hallarda bağışlamadan imtina edə bilər. Belə hallara hədiyyə alanın bağışlayana və ya onun yaxın qohumuna qarşı ağır cinayət törətməsi, ailə hüquq münasibətlərindən irəli gələn vəzifələrini kobud şəkildə pozması, eləcə də bağışlama ilə bağlı üzərinə götürdüyü öhdəlikləri əsassız olaraq yerinə yetirməməsi daxildir.
Qanunvericilikdə mühüm müddət məhdudiyyəti də nəzərdə tutulur: bağışlamadan imtina hüququ onun əsasının məlum olduğu gündən bir il ərzində həyata keçirilməlidir. İmtina qanuni əsaslarla həyata keçirildikdə və əmlak hələ də hədiyyə alanın mülkiyyətində olduqda, onun geri qaytarılması tələb edilə bilər.
Digər tərəfdən, müqavilənin bağlanması zamanı aldatma, məcburetmə, iradə azadlığının pozulması və ya qanunvericiliyin digər tələblərinə riayət edilməməsi kimi hallar mövcud olarsa, müqavilənin etibarsızlığı məsələsi də ayrıca hüquqi müstəvidə qiymətləndirilə bilər.
Nəticə etibarilə, daşınmaz əmlakın bağışlanması bağışlayanın həmin əmlak üzərində mülkiyyət hüququna xitam verir. Bağışlama müqaviləsinin sonradan ləğvi isə yalnız qanunla müəyyən edilmiş əsaslar və müvafiq hüquqi prosedurlar çərçivəsində mümkündür. Burada əsas meyar tərəflərin sonradan dəyişən münasibətləri deyil, qanunda nəzərdə tutulmuş hüquqi əsasların mövcudluğudur".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
1960-cı ildə proqnozlaşdırılan "qiyamət günü" gəldi
Kadir İnanırın mirasının məbləği açıqlandı
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Azərbaycan-Böyük Britaniya: regional sabitlik və qlobal əməkdaşlıq perspektivləri
Azərbaycanda siqaret yenidən bahalaşacaq? - İqtisadçıdan AÇIQLAMA
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Azərbaycan-Böyük Britaniya münasibətlərində yeni mərhələ başlayır
Yeni Azərbaycan Partiyasının yaradılmasının 34-cü ildönümü: Milli dövlətçilik tariximizin mühüm mərhələsi
Azərbaycan-Böyük Britaniya arasında əməkdaşliq perspektivləri