Azərbaycan yeni anti-terror əməliyyatı həyata keçirə bilərmi? - AÇIQLAMA

Azərbaycan yeni anti-terror əməliyyatı həyata keçirə bilərmi? - AÇIQLAMAXəbər verdiyimiz kimi, ötən gün Şuşa istiqamətində ermənilərin həyata keçirdiyi təxribat, onların itki verib, geri çəkilməsi ilə yekunlaşdı. Həmin hadisədən sonra Azərbaycan dövlətinin Şuşa və ətraf bölgələrdə yerləşən qanunsuz erməni silahlı birləşmələri üzərində anti-terror əməliyyatı aparması məsələsi yenidən gündəmdədir.

Mövzu ilə bağlı Sonxeber.az saytına açıqlama verən deputat Fazil Mustafa bildirib ki, Azərbaycan ermənilərin həyata keçirdiyi təxribata qarşı cavab verməyə hər an hazırdır:

"Bununla bağlı Azərbaycan tərəfi anti-terror əməliyyatına xas olan bir kursu həyata keçirir. Hər an ermənilərin təxribatlarına qarşı da cavab verməyə hazırıq. Biz niyə indiki vəziyyətdə cavab verən durumdayıq? Çünki avantajlı, üstün vəziyyətdə olan Azərbaycandır. Azərbaycan hər hansı bir şəkildə Ermənistana və yaxud da onu himayə edən dövlətlərin əlinə bəhanə vermək istəmir. Yəni birinci addımı ermənilər atır və cavab da bundan qat-qat sərt olur. Bu cavabla da Ermənistanın bütün təxribatçı niyyətləri heçə çıxarılır. Azərbaycan bir neçə dəfə təxribatları yola verərək Ermənistanın sağlam bir addım atmasını gözlədi. Sanki onları müəyyən dərəcədə sülhə təşviq etməyə çağırdı, amma gördü ki, onlar bunu anlamırlar. Belə olan halda da birdən-birə Gorus-Qafan yolunu bağladı. Çünki o yol bizim nəzarətimizdədir. Belə jestlər həm də xəbərdarlıqdır ki, Azərbaycan istənilən an sərt addımlara əl ata bilər və buna da imkanlarımız var. O baxımdan, Şuşadakı anti-terror əməliyyatı və bir neçə erməninin məhv edilməsi onu göstərdi ki, hər hansı bir şəkildə strateji mövqeləri yetərli səviyyədə əlverişli olmayan Ermənistanın Azərbaycana üstün gəlmək şansı yoxdur.

Oradakı proseslər də tam Azərbaycandan asılıdır. Biz istəsək, oranın infrastrukturunu da iflic edə bilərik.

Bütövlükdə biz bu kimi məsələlərdə ilk addımın Ermənistan tərəfindən atılmasını hansı taktika ilə əsaslandırırıq? Nəzərinizə çatdırım ki, 44 günlük müharibənin başlamasına səbəb, ermənilərin təxribatçı addımları oldu. Nəticədə Azərbaycan cavab tədbirləri ilə torpaqları işğaldan azad etdi. Təqribən eyni taktika bu gün də qüvvədədir. Təxribatçı addımlar genişlənərsə, istənilən şəraitdə və istənilən uyğun zamanda biz buna qarşı cavab verməyə qərarlıyıq. Bunu ermənilər də yaxşı bilir. Burada gedən psixoloji bir savaşdır.

Ermənilərin uzaq məsafədən atdıqları atəşin onsuz da bir təsiri yoxdur. Onlar sanki bununla göstərməyə çalışırlar ki, hələ də burada yaşayırlar və öz iddialarından əl çəkmirlər. Buna görə də bu cür kiçik və cılız təxribatlara əl atırlar. Nəzərinizə çatdırım ki, qondarma rejimin "müstəqillik" gününə Ermənistan rəhbərliyindən heç kəs getmədi. Bir neçə deputat sadəcə özbaşına gəldi. Bunlar da elə bir effektiv təsir gücü ortaya qoymadı. Azərbaycan cəmiyyəti addım-addım bu məsələdə psixoloji savaşın irəliləməsinə dəstək verməlidir. Onsuz da ordumuz hərbi savaşa hazırdır və istənilən vaxt biz bunu həyata keçirdə bilərik. İndiki vəziyyətdə ermənilərin daha çox sınması üçün bu psixoloji baryeri biz daha irəli çəkib, genişləndirməliyik. Elə etməliyik ki, daha münbit şəkildə torpaqlar boşalsın və orada Azərbaycan hakimiyyətinin bərpa olunması təmin edilsin.

Bu ərazidə ermənilər onsuz da yaşayacaq, amma hansı ermənilər? Burada yalnız Azərbaycan Konstitusiyasını tanıyan və Azərbaycan vətəndaşlığını qəbul edən erməni qalmalıdır. Bunu qəbul etməyən hər hansı bir erməni buradan bu və ya digər formada çıxarılmalıdır. Bizim hədəfimiz bu olmalıdır və cəmiyyəyimiz bu istiqamətdə öz dəstəyini bizdən əsirgəməməlidir.

Əslində onlarda belə bir xəstəlik var. Sona qədər müəyyən bir nəticəsi olmayan xəstəliklə bərabər ümidlə yaşamaq tendensiyası bir çox insanlara məxsusdur. Bu, hətta xalqlara da aiddir. Yəni bu xəstəlik onlarda hələ də çözülməyib. Ümid edirlər ki, Amerikadan, Avropadan gələn "həkim", bunu sağaldacaq və onlara kömək edəcək. Onların yanaşması daha çox belədir. Ermənilərdə xarici dəstəyə indeksli bir yanaşma var. Amma bu, illüziyaya uğradı.

Necə ki, 44 günlük müharibə zamanı onlar gördülər ki, heç kəs köməyə gəlmədi. Onların orada günəş panelləri, kommunikasiya xətlərini quraşdırması təxribatdan çox, ermənilərin resurslarının yoxluğu ilə əlaqədardır. Bunlar bir parazit kimi işğalda olan torpaqlarımızdan taxıl, meyvə götürürdülər, oranın zənginliyindən istifadə edirdilər.

Bu gün onların "əlləri kəsildi". Üstəlik, kommunikasiya sistemləri də pozulub. Onlar artıq Ermənistana Kəlbəcər istiqamətindən çıxa bilmirlər. Tək yol qalıb, o da Laçın dəhlizi. Oradan da istifadə etmək elə də asan məsələ deyil. Onlar hazırda tam əlverişsiz vəziyyətdədirlər. Ehtiyaclarını ödəmək üçün tədbirlər görürlər. Biz su qıtlığını kompensasiya edərək, ətraf yerlərdən bulaqlar və başqa resurslarımızla özümüzü təmin edə bilirik. Bəs ermənilər haradan bərpa edəcəklər? Onların dar bir yerdə nəyisə bərpa etməsi olduqca çətindir. Xankəndində hazırda su ilə bağlı ciddi problemlər yaşanmaqdadır. Söhbət təkcə təxribatlardan getmir, həmçinin, bu ərazidə uzunmüddətli yaşamaq üçün düşündükləri layihədən gedir. Bu da, təbii ki, mümkün olmayacaq. Çünki bazar tələbatı elədir ki, uzun müddət makaronla, humanitar dəstəklə ayaqda qalmaq mümkün deyil. Burada təhsil məsələsi də var. Məktəbi bitirdin, harada təhsil alacaqsan? Yoxsul Ermənistanda təhsil almaq da onlara böyük bir perspektiv vəd etmir. Özlərinin də ali təhsil və başqa sistemləri tamamilə iflasa uğrayıb. Orta məktəblərin özündə də böyük problemlər yaşanılır. Ona görə bu məsələlərdə nə qədər təxribatçılıq olsa da, məğlubiyyətin simptomları artıq özünü göstərməkdədir. Söhbət psixoloji cəhətdən çökmüş bir xalqdan, cəmiyyətdən gedir. Biz bu təzyiqi onların üzərində davam etdirsək, erməni məsələsi özlüyündən çözüləcək".

Rafi Müslümov


Sonxeber.az Telegramda izləyin instagramda izləyin
Siyasət   Baxılıb: 1971   Tarix: 04 sentyabr 2021  

Şikayətiniz varsa Whatsapp: 051 7028255

Facebookda Paylaş


Xidmetler

Oxşar xəbərlər

.

İslamabadda Azərbaycan Prezidenti İlham Əliyevin rəsmi qarşılanma mərasimi olub

Pakistan İslam Respublikasında dövlət səfərində olan Azərbaycan Respublikasının Prezidenti İlham Əliyevin iyulun 11-də İslamabadda rəsmi qarşılanma mərasimi keçirilib. AZƏRTAC xəbər verir ki, hər iki ölkənin Dövlət bayraqlarının dalğalandığı meydanda Azərbaycan Prezidentinin şərəfinə fəxri qarovul dəstəs

11 iyul
.

İlham Əliyev ATƏT-in baş katibini qəbul edib

Azərbaycan Respublikasının Prezidenti İlham Əliyev iyulun 13-də ATƏT-in baş katibi xanım Helqa Mariya Şmidi qəbul edib. xəbər verir ki, bununla bağlı AZƏRTAC məlumat yayıb

13 iyul
.

Naxçıvanda vəzifəli şəxs işdən çıxarıldı

Naxçıvan Muxtar Respublikası "Naxçıvanpoçt" publik hüquqi şəxsin direktoru vəzifəsindən azad olunub. APA xəbər verir ki, bununla bağlı müvafiq əmr imzalanıb. Əmrə əsasən, "Naxçıvanpoçt" publik hüquqi şəxsin direktoru Səxavət Abbas oğlu Bağırov vəzifəsindən azad edilib. Sevinc Hüsey

5 iyul
.

İlham Əliyev Fikrət Əzizovu təltif etdi

Prezident İlham Əliyev Fikrət Nəhməd oğlu Əzizovun 2-ci dərəcəli "Vətənə xidmətə görə" ordeni ilə təltif edilməsi haqqında Sərəncam imzalayıb. Bununla bağlı məlumat yayıb

8 iyul
.

Daşkənddən Şuşaya: Şavkat Mirziyoyevin Azərbaycan mədəniyyətinin beşiyinə səfəri

Özbəkistan Prezidenti Şavkat Mirziyoyevin Mətbuat Xidməti dövlət başçısının Şuşa səfəri ilə bağlı kadrlar paylaşıb. "Prezident Şavkat Mirziyoyev qardaş Azərbaycanın Şuşa şəhərində aparılan quruculuq işləri ilə tanış olub", - deyə paylaşımda bildirilir. Kadrlarda Özbəkistan liderinin Azərbayca

6 iyul
.

Paşinyan Azərbaycanla sərhədə - düz tikanlı məftillərin yanına gəldi və belə yazdı...-VİDEO

Ermənistanın baş naziri Nikol Paşinyan dünən – iyulun 6-da Azərbaycanın Qazax və Tovuz rayonlarıyla sərhəddə yerləşən Tavuş vilayətinə səfəri zamanı "Kirants" adlanan Güney kəndində yeni çəkilən yolda işlərin gedişi ilə tanış olub. Paşinyan bu haqda özünün telegram-kanalında video paylaşı

8 iyul
.

İlham Əliyev İslamabadda hərbi sərgi ilə tanış olub

Azərbaycan Respublikasının Prezidenti İlham Əliyev iyulun 12-də İslamabadda Pakistan Hərbi Hava Qüvvələrinin Nur Xan bazasının ərazisindəki "Milli Aerokosmik Elm və Texnologiya Parkı"nda (NASTP) hərbi sərgi ilə tanış olub. AZƏRTAC xəbər verir ki, dövlətimizin başçısına sərgi haqqında məluma

12 iyul
.

İlham Əliyevdən III MDB Oyunları ilə bağlı SƏRƏNCAM

Prezident İlham Əliyev II MDB Oyunlarının 2025-ci ildə Azərbaycanda keçirilməsi üzrə Təşkilat Komitəsinin yaradılması haqqında Sərəncam imzalayıb. Bununla bağlı məlumat yayıb. Sərəncama əsasən, 2025-ci ilin oktyabr ayında Azərbaycanda II MDB Oyunlarının keçirilməsi üzrə aşağıdakı tərkibdə Təşkilat Komitəs

10 iyul
.

Ceyhun Bayramov Vaşinqtona getdi

Azərbaycanın xarici işlər naziri Ceyhun Bayramov Amerika Birləşmiş Ştatlarına işgüzar səfərə yola düşüb. Bu barədə Xarici İşlər Nazirliyindən məlumat verilib. Məlumata görə, səfər çərçivəsində Ceyhun Bayramovun ABŞ-nin paytaxtı Vaşinqton şəhərində keçiriləcək NATO Zirvə görüşündə iştirakı, habelə bi

9 iyul