Keçi və xoruz toyuğu belə xilas etdi - VİDEO

Hollandiyanın Qelderland əyalətindəki bir fermada keçi və xoruz bir toyuğu ona hücum edən Şahin quşundan xilas edib.

Sonxeber.az Lent.az-a istinadən xəbər verir ki, sentyabrın əvvəlində 59 yaşlı fermer Caap Bits həyətdə səs eşidib.

Şahin quşunun bir toyuğa hücum etdiyi məlum olub. Bu an müşahidə kamerasının videosuna düşüb.

Videoda Şahin quşunun toyuğa necə hücum etdiyi və onu necə tutduğu görünür. Qurbanın tükləri hər tərəfə uçur. Xoruz dərhal toyuğun köməyinə qaçır. Bruin ləqəbli keçi də mübarizəyə qoşulur. O, Şahin quşunun yanına qaçır və onu qorxutmağa çalışır. Nəhayət, keçi və xoruz toyuğu xilas edir, Şahin quşu isə əliboş havaya qalxır.

Hadisə nəticəsində toyuq yüngül xəsarət alır.

Bitsın dediyinə görə, digər heyvanlar onun tam sağalması üçün ətrafına toplaşıblar.

Hollandiyalı qeyd edib ki, bu, fermada yaşanan ilk dram deyil. Digər keçi və hinduşkalar da onun toyuqlarını yırtıcılardan xilas edib.

Telegramda izləyin

instagramda izləyin