Cənub bölgəsi ilə bağlı "12-dən sonra işləmir" deyimi haradan yaranıb?

Niyə bəziləri talışlar haqqında "saat 12-dən sonra işləmir" ifadəsini istifadə edirlər?

Sonxeber.az xəbər verir ki, bu barədə aparıcı, nitq təlimçisi Cəlalə Nəzəroğlu sosial şəbəkədə paylaşım edib.

O bildirib ki, bu deyim talışların fiziki işlərinə görə yaranıb:

"Çox təəssüf ki, bizdə bəziləri insanları olduqları bölgəyə görə dəyərləndirirlər. İnsanları özlərinə, öz şəxsiyyətlərinə görə dəyərləndirmək lazımdır. Eşidən zaman an əsəbləşdiyim ifadələrdən biri də talışlarla bağlı deyilən "saat 12" məsələsidir. Bildirmək istəyirəm ki, bu deyimin tarixi çox keçmişə dayanır. Cənub bölgəsinin insanları çay, düyü plantasiyalarında, tarlalarda sübh saat 5-dən işə başlayardılar və saat 12-də, yəni günorta, artıq hava çox isinəndə işi dayandırıblar. Həmin deyim də buradan yaranıb. Bu, hər zaman belə davam edib. Ümumiyyətlə, cənub zonasında insanlar saat 12-dən sonra, axşam saat 4-5-ə qədər evlərinə çəkilir, bütün işlərini dayandırırlar".

Aytəkin CƏLALİ

Telegramda izləyin