Nikol Paşinyan Qarabağ müharibəsi ilə bağlı Putinə təşəkkür etdi

Ermənistanın Baş naziri Nikol Paşinyan MDB Dövlət Başçıları Şurasının iclasında çıxış edib .

Sonxeber.az-ın erməni KİV-inə istinadən verdiyi məlumata görə, Nikol Paşinyan Azərbaycan Prezidenti İlham Əliyev kimi, 44 günlük Qarabağ müharibəsinə son qoyulmasında Rusiyanın və şəxsən Rusiya Prezidenti Vladimir Putinin oynadığı rolu vurğulayıb və bu səylərə görə minnətdarlığını bildirib:

"Bu gün bölgəmiz son dərəcə əhəmiyyətli dəyişikliklərin astanasındadır və siyasi iradə göstərilsə, real sülh və sabitlik üçün lazımi şərait yaradaraq mənzərəni əhəmiyyətli dərəcədə dəyişmək mümkündür. Biz bu dəyişikliyə hazırıq. Üstəlik, görmə qabiliyyətimiz də üst-üstə düşür. Hökumətin məqsədlərindən biri ölkəmizin və bölgəmizin sülh yolu ilə inkişafı üçün yeni dövr açmaqdır. Bölgədəki sülh prosesini şübhə altına alırlar. Sülhə nail olmaq üçün edilən bütün siyasi səylərə və üçtərəfli bəyanata baxmayaraq, Ermənistan-Azərbaycan sərhədində, Dağlıq Qarabağda insanlar ölməyə davam edirlər".

Bundan əlavə, Baş nazir hadisələrin araşdırılması və atəşkəs rejiminin qorunması üçün üçtərəfli mexanizmlərin gücləndirilməsini təklif edib:

"Bir çoxları ölkəmizdə sülh və sabitliyin olmasını istəmirlər, bu şərtlərdə isə sülh gündəmini irəli aparmaq çox çətindir. Lakin biz bölgəmizdə sabitliyin bərqərar olması üçün əlimizdən gələni etməyə qərarlıyıq. Hətta bu məqsədə necə nail olacağımız barədə aydın təsəvvürümüz var".

ZAİRA AKİFQIZI

Telegramda izləyin