"TikTok"da məşhur olmaq üçün görün nə etdi: 1 gündə 3 dəfə...- FOTO

Türkiyənin Ordu şəhərində Suna Yeşil adlı qadın 1 gün ərzində 3 dəfə intihara cəhd edib.

Sonxeber.az-ın məlumatına görə, qadın ilk öncə naməlum səbəbdən özünü yola, maşının altına atıb.

Vətəndaşların xəbəri ilə tıxac yaranan küçəyə polis çağırılıb. Polislər gəldikdən sonra qadın bir anda gözdən itib.

Bir müddət sonra yenidən Atatürk parkında bir qadının özünü dənizə atdığı xəbəri yayılıb. Xilasetmə və təcili tibbi yardım maşını hadisə yerinə çağırılıb və qadın sudan çıxarılıb. Məlum olub ki, hər iki hadisəni eyni qadın törədib.

Xəstəxanaya aparılan Suna Yeşil ilk öncə maşından düşmək istəyib, lakin polis əməkdaşları onu tibbi yardım alması üçün razı salıblar.

Müayinədən sonra evə buraxılan Suna qalmaq üçün bir otelə üz tutub. Otelin pəncərəsindən özünü atmaq istəyən qadına işçilər mane olublar və onun növbəti intiharının qarşısı alınıb.

Suna Yeşil təcili yardımla yenidən xəstəxanaya aparılıb və onun psixoloji problemlərinin olduğu üzə çıxıb.

Nəzarət altında saxlanılan qadın bütün bunları sosial media fenomeninə çevrilmək üçün etdiyi bildirib. O etdiklərini "TikTok" hesabında paylaşaraq izləyici yığmağı planlayıb.

Suna Yeşil 3-cü intihar cəhdindən sonra xəstəxanada xərəkdə çəkdirdiyi görüntüləri musiqi fonunda paylaşıb.

Aysel Səfərzadə

Telegramda izləyin