Bakıda 13 yaşlı şagirdin intiharının PƏRDƏARXASI

Dekabrın 1-nə keçən gecə Bakı şəhər Binəqədi rayonu 9-cu mikrorayon ərazisində baş vermiş dəhşətli intiharla bağlı bəzi məqamlar üzə çıxıb.

Publika.az xəbər verir ki, Cavadxan və M.Kazımovski küçələrinin kəsişməsində yerləşən çoxmərtəbəli binanın 14-cü mərtəbəsindən ehtiyatsızlıq nəticəsində yerə yıxıldığı deyilən 13 yaşlı Z. A. Abdullazadənin həyatına qəsd etdiyi məlum olub.

Yaxınları bildirib ki, ailədə valideynlər arasında daim münaqişələr baş verib və yeniyetmə qız ata-anasını barışdırmaq, onların dalaşmasının qarşısını almaq üçün dəfələrlə səy göstərib.

Lakin buna baxmayaraq, valideynlər məktəbli qızın yanında münaqişələrinə davam ediblər.

Bundan sonra orta məktəbin 7-ci sinif şagirdi olan qız həyatına qəsd etmək fikrinə düşüb. O, evdə qoyduğu kağızda "Kim istəyirsə, arxamca gəlsin" sözlərini yazıb və özünü pəncərədən atıb.

Yeniyetmə qız hadisə yerində vəfat edib.

Faktla bağlı Binəqədi Rayon Prokurorluğunda araşdırmalar davam etdirilir.

Telegramda izləyin