Sevgilisi qızın üzünə "kislota" atdı, sonra isə... - FOTO

Türkiyəli Berfin illər öncə onun üzünə kimyəvi maddə olan sulfat turşusu ("kislota") atıb həyatını məhv edən Kazım adlı şəxslə ailə qurub.

Sonxeber.az BiG.AZ-a istinadən xəbər verir ki, hadisə nəticəsində Berfinin yalnız dərisi yox, gözləri də xəsarət alıb.

Belə ki, 3 il öncə görüşdüyü Kazımdan ayrılmaq istəyərkən, qəzəblənən oğlan ondan bu cür qisas almaq qərarına gəlib.

Qız polisə şikayət etdikdən sonra cinayətkar bağışlanmaq üçün yalvarıb. Berfinin ürəyi yumşalıb və o, şikayətini geri götürüb. Lakin buna baxmayaraq, məhkəmə oğlana 13 il həbs cəzası oxuyub.

Koronavirus pandemiyası ilə bağlı qanunda edilən dəyişikliklərdən sonra isə Kazıma şərti məhkum etmə cəzası verilib.

Berfinin valideynləri gənclərin evlilik qərarına qarşı çıxsalar da, qız fikrindən dönməyib.

Telegramda izləyin