Kasıbları təhqir edən "Gelandewagen" sürücüsü xalqdan üzr istədi - YENİLƏNİB + VİDEO

Bu gün sosial şəbəkələrdə Bakıda yüksək sürətlə hərəkət edən "Gallendvagen" markalı avtomobilin sürücüsünün aztəminatlı ailələri təhqir edən görüntüləri yayılıb.

Bu barədə DİN-dən Oxu.Az-a daxil olan məlumatda qeyd edilib.

Bildirilib ki, bununla əlaqədar polis əməkdaşları tərəfindən müvafiq tədbirlər həyata keçirilib və həmin sürücünün 1985-ci il təvəllüdlü Samid Bağırov olması müəyyən edilərək saxlanılıb.

S.Bağırovla polis idarəsində profilaktiki söhbət aparılıb və xəbərdarlıq edildikdən sonra sərbəst buraxılıb.

O, əməlindən peşman olduğunu qeyd edərək üzrxahlıq edib.

17:39
Bakıda aztəminatlı şəxsləri təhqir edən "Gelandewagen" sürücüsü barədə araşdırma aparılır.

Bu barədə Daxili İşlər Nazirliyinin Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev Oxu.Az-ın sorğusuna cavab olaraq bildirib.

16:54
Bakıda "Gelandewagen" idarə edən şəxs aztəminatlı şəxsləri təhqir edib.

Bu barədə görüntülər sosial şəbəkələrdə yayılıb.

Belə ki, sürətlə avtomobil idarə edən şəxs ətrafdakılara təhqiredici ifadələr işlədib: "Çəkil, yetim kasıb, bədbəxt, səhər yeməyi yeməyib günorta yeməyinə duran adamlar. Dağılışın!".

Görüntülərdə həmin şəxsin təhlükəsizlik kəmərindən istifadə etmədiyi və avtomobili yüksək sürətlə idarə etdiyi aydın görünür.

Həmin görüntüləri təqdim edirik:

Oxu.az

Telegramda izləyin