"Bu bir il ərzində mediamız yeni inkişaf mərhələsinə qədəm qoyub" - Namiq Abdullayev

"Medianın İnkişafı Agentliyi, yaranmasından cəmi bir ilin ötməsinə baxmayaraq, artıq, adının haqqını verərək, bu istiqamətində çox mühüm addımlar atıb".

Bunu Sonxeber.az-a açıqlamasında "BİG Group"un rəhbəri Namiq Abdullayev deyib.

Onun sözlərinə görə, artıq əminliklə deyə bilərik ki, bu bir il ərzində mediamız yeni inkişaf mərhələsinə qədəm qoyub:

"Belə ki, jurnalistlərin peşəkarlıq səviyyəsinin artırılması məqsədi ilə onların təlimlərə cəlb olunması, qəzetlərin müasir dizaynla çapı və müxtəlif müsabiqələrin keçirilməsi, yeni qanunun qəbul olunması kimi atılan addımlar medianın gələcəkdə çoxdan arzulanan səviyyəyə çatacağından xəbər verir. Bu gün Agentliyin üzərində çox mühüm və şərəfli missiya var. Düşünürəm ki, belə bir spesifik sahədə çalışan hər kəsə tükənməz enerji, məsuliyyət hissi və səbir lazımdır. Təbii ki, bütün bu göstəricilər Medianın İnkişafı Agentliyin kollektivində mövcuddur və onlar hazırda üzərlərinə düşən öhdəlikləri layiqincə yerinə yetirirlər".

Namiq Abdullayev vurğulayıb ki, "Media haqqında" yeni qanun layihəsinin qəbul edilməsi və mediamızın inkişafı sahəsində atılacaq addımlar milli informasiya resurslarımızın inkişafı və onların fəaliyyətinin təkmilləşdirilməsinə ciddi töhfələr verəcək:

"Hazırda Medianın İnkişafı Agentliyin üzərində çox böyük məsuliyyət var. Amma əminliklə deyə bilərəm ki, agentliyin bütün kollektivi öz məsuliyyətini dərk edərək, mediamızın inkişafı istiqamətində yorulmadan çalışır. Hesab edirəm ki, Medianın İnkişafı Agentliyi bundan sonra da mediamızın inkişafı sahəsində lazım olan bütün addımları ataraq milli informasiya resurslarımızın inkişafı və onların fəaliyyətinin təkmilləşdirilməsinə ciddi töhfələr verəcək.

Sonxeber.az kollektivi adından, başda Əhməd müəllim olmaqla, Medianın İnkişafı Agentliyinin bütün əməkdaşlarını təbrik edir və fəaliyyətlərində uğurlar arzulayıram".

Aysel Yusifqızı

Telegramda izləyin