Azərbaycanda dolların qalxması ilə bağlı AÇIQLAMA

Son dövrlər insanlar arasında belə fikir yayılıb ki, ABŞ dolları qalxacaq, manat isə ucuzlaşacaq.

Azərbaycanda fəaliyyət göstərən 13 bankda isə ABŞ dollarının alış dəyəri Mərkəzi Bankla eyniləşdirilərək 1,70 AZN-ə bərabər olub.

Mövzuyla bağlı Sonxeber.az iqtisadçı Elşən Məmmədovdan münasibət öyrənib.

O bildirib ki, ölkənin xarici iqtisadiyyatındakı vəziyyət dolların bahalaşması və valyutanın məzənnəsində dəyişikliklərin olmasına əsas vermir:

"Fikrimcə, Azərbaycanda dolların bahalaşması gözlənilmir. Çünki bunun üçün fundamental əsaslar yoxdur. Düzdür, Mərkəzi Bank buna gedə bilər, amma belə bir qərar inzibati ola bilər.

Bütövlükdə, bunun müsbət və mənfi tərəflərini tərəziyə qoyub təhlil etsək, sözsüz ki, dolların valyuta məzənnəsinin dəyişməsinin mənfi nəticələri xeyli dərəcədə daha çox ola bilər. Ona görə də hesab edirəm ki, Mərkəzi Bank, ən azından yaxınmüddətli perspektivdə, bu addıma getməyəcək. Azərbaycanda məzənnənin sabit saxlanılması üçün tam şəkildə şərait var. Həm ölkənin suverən qızıl valyuta ehtiyatları kifayət qədərdir, hətta ölkəyə daxil olan valyutadan daha çoxdur. Ona görə də dolların məzənnəsinin dəyişməsi, ümumiyyətlə Azərbaycan manatının məzənnəsinin qeyri-sabit olması üçün heç bir əsaslı arqument yoxdur".

Aysel SƏFƏRZADƏ

Telegramda izləyin