Rusiya və Çin arasında ticarət hədəfi yüksəldildi

Rusiya və Çin liderləri iki ölkə arasında ticarət dövriyyəsini 2024-cü ilə qədər iki dəfə artırmağı - 100 milyard dollardan 200 milyard dollara çatdırmağı qarşılarına məqsəd qoyublar.

Sonxeber.az-ın ria.ru-ya istinadən məlumatına görə, Rusiya Federasiyası prezidentinin mətbuat katibi Dmitri Peskov liderlərin görüşünün yekunları üzrə jurnalistlərə açıqlamasında deyib ki, "ikitərəfli münasibətlərin hazırkı inkişaf dinamikasını nəzərə alsaq, 250 milyard kifayət qədər realdır".

O, həmçinin danışıqların yekunları üzrə imzalanmış sənədə diqqət çəkib - bu, Rusiya Federasiyası İqtisadi İnkişaf Nazirliyi və ÇXR Ticarət Nazirliyinin birgə bəyanatıdır. Bu sahədə yol xəritəsinin hazırlanması üzrə işlərin başa çatdırılması nəzərdə tutulur.

Peskov vurğulayıb ki, yol xəritəsinin həyata keçirilməsi təkcə ticarətin həcmini və miqyasını artırmayacaq, həm də onun strukturunu təkmilləşdirməyə və əməkdaşlığın yeni istiqamətlərini müəyyən etməyə kömək edəcək. O, əlavə edib ki, ticarət dövriyyəsinin şaxələndirilməsi ticarətdə qarşılıqlı fəaliyyətin yeni səviyyəsinə çatan ölkələr üçün son dərəcə vacibdir.

Aygün Osmanlı

Telegramda izləyin