"Azərbaycan ilə əməkdaşlığımız faydalı olacaq"

"Azərbaycan ilə əməkdaşlığımız faydalı olacaq"Cənub Qaz Dəhlizi Bolqarıstanı və onun qaz-nəqliyyat sistemini bütün Mərkəzi və Cənub-Şərqi Avropa regionu üçün alternativ mənbələrdən qaz təchizatı infrastrukturunun vacib hissəsinə çevirəcək.

Sonxeber.az bildiri ki, bunu Trend-ə özəl müsahibəsində Bolqarıstanın energetika naziri Aleksandr Nikolov deyib.

O qeyd edib ki, Cənub Qaz Dəhlizi həm də Yunanıstanla Bolqarıstan arasında interkonnektorla (IGB) birləşəcək.

"IGB layihəsi Bolqarıstana və Mərkəzi və Cənub-Şərqi Avropanın digər ölkələrinə Cənub Qaz Dəhlizinə çıxış imkanı təqdim edəcək. Bu, həm də Bolqarıstana "Şahdəniz-2" yatağından razılaşdırılmış illik 1 milyard kubmetr qaz almağa imkan verəcək. İnterkonnektor həm də Yunanıstanın mayeləşdirilmiş təbii qaz terminalından ABŞ, Qətər, Əlcəzair, Nigeriya, gələcəkdə isə İsrail və Misir kimi istehsalçılardan qaz almağa imkan verəcək. Bununla əlaqədar biz gözləyirik ki, təbii qazın rolu Aİ səviyyəsində yeni təşəbbüslərin hazırlanmasında adekvat şəkildə nəzərə alınacaq. Enerji keçidi mərhələsində təbii qaz, xüsusilə, karbon yüklü regionlarda alternativə malik deyil", - deyə o bildirib.

A.Nikolov qeyd edib ki, Bolqarıstanın enerji mənbələrinin şaxələndirilməsi ilə bağlı əsas məqsədlərindən biri Xəzər regionundan təbii qaz tədarükünün genişləndirilməsidir.

IGB-nin işə salınması müddətləri barədə

Nazirin sözlərinə görə, Bolqarıstan hesab edir ki, Yunanıstanla qaz interkonnektorunun kommersiya istismarı 2022-ci ilin ikinci yarısından başlayacaq.

O qeyd edib ki, Bolqarıstan tərəfi Azərbaycanla tərəfdaşlığa ümid edir.

"Bu tərəfdaşlığın təməli 2013-cü ildə Bolqarıstanın "Bulgargaz" şirkəti Azərbaycanın AGSC şirkəti arasında "Şahdəniz-2" yatağından ildə 1 milyard kubmetr qazın tədarükü ilə bağlı müqavilənin imzalanması ilə qoyulub. Şaxələndirmə bizim iqtisadi və siyasi hədəfimizdir. Hesab edirəm ki, bizim bu istiqamətdə ümumi yanaşmamız var. IGB-nin tikintisində ləngimələrə baxmayaraq, biz ciddi səylər göstəririk və ümid edirik ki, interkonnektorun kommersiya istismarı 2022-ci ilin ikinci yarısından başlayacaq. Bu tədarüklərin şaxələndirilməsi üçün real imkan yaradacaq. Belə ki, IGB Bolqarıstanın bütün Cənub-Şərqi Avropa regionu və Cənub Qaz Dəhlizi ilə əlaqəsidir", - nazir deyib.

Nazir qeyd edib ki, IGB layihəsi həm Bolqarıstan, həm də ümumilikdə Avropa İttifaqı üçün böyük əhəmiyyət daşıyır.

"Bu, Yunanıstanın DESFA qaz-nəqliyyat sistemi operatorunun şəbəkələrini Trans-Adriatik boru kəmərinə (TAP) Komotini məntəqəsində Bolqarıstanın "Bulgargaz" şirkətinin nəqliyyat sisteminə Stara Zaqora şəhərində birləşdirəcək. IGB Avropa İttifaqının ümumi maraq kəsb edən layihələri siyahısına daxil edilib. Bu, "Mərkəzi və Cənub-Şərqi Avropanın enerji bağlılığı" təşəbbüsü çərçivəsində reallaşdırılan yeddi prioritet qaz layihələrindən biridir", - A.Nikolov deyib.

SOCAR-ın Bolqarıstan bazarında iştirakı barədə

Bolqarıstan tərəfi Azərbaycan Dövlət Neft Şirkətinin (SOCAR) ölkənin qaz infrastrukturuna investisiyalara marağını alqışlayır, deyə nazir bildirib.

"Bir tərəfdən bu, bizim üçün ölkədə qaz bazarı potensialının, digər tərəfdən isə Azərbaycan kimi strateji tərəfdaşla əməkdaşlığın dərinləşməsinə doğru addımdır. Biz SOCAR-a bütün zəruri məlumatları təqdim etmişik və onlardan xəbər gözləyirik", - o deyib.

Nazir qeyd edib ki, Bolqarıstanda abunəçilərin qazlaşdırılması prosesində beş faizlik inkişaf əldə olunub və bu, Enerji strategiyasında qeydə alınan prioritetlərdən biridir.

"Biz enerji səmərəliliyinin artırılması imkanı qismində isitmə və digər məişət məqsədləri üçün elektrik enerjisinin təbii qazla əvəz olunmasını nəzərdən keçiririk. Bundan başqa, biz Azərbaycanın qaz saxlama sahəsində təcrübəsini öyrənmək istərdik. Hazırda biz elektrik enerjisi və təbii qazın saxlanma gücünün mövcud və yeni tikilməkdə olan qaz anbarlarının inkişafı hesabına artırılması üzərində işləyirik", - A.Nikolov deyib.

Alternartiv enerji sahəsində əməkdaşlıq perspektivləri

Bolqarıstan Avropa "yaşıl" saziş kontekstində Azərbaycanla bərpa olunan enerji mənbələrindən elektrik enerjisi istehsalı və yeni texnologiyaların tətbiq olunması ilə enerji səmərəliliyinin artırılması sahəsində əməkdaşlıqda maraqlıdır, deyə A.Nikolv qeyd edib.

"Bolqarıstan bərpa olunan enerji mənbələri texnologiyalarının tətbiqi üzrə liderdir. Biz bərpa olunan enerji mənbələrinin istifadəsini genişləndirməyə çalışırıq. Eyni zamanda, proqnozlaşdırılır ki, 2030-cu ilədək biokütlə, günəş və külək enerisindən elektrik enerjisinin ümumi balansda payı müvafiq olaraq 17,1, 3,8 və 1,5 faizədək artacaq", - o deyib.

Nazir əlavə edib ki, Bolqarıstan və Azərbaycan gələcəkdə fotoelektrik layihələr çərçivəsində əməkdaşlıq edə bilər.

"Bolqarıstan fotoelektrik layihələr sahəsində, xüsusilə tikinti sahəsində liderdir. Yerli şirkətlər Aİ-də və bütün dünyada fəaliyyətini uğurla genişləndirib. Alternativ enerji mənbələri qismində hidrogen layihələri, eləcə də enerji saxlanması imkanlarının artırılması dekarbonizasiya üzrə hədəflərimizin reallaşması baxımından vacibdir. Əminəm ki, bu cür layihələrin gələcək reallaşdırılmasında bizim Azərbaycan tərəfi ilə əməkdaşlığımız faydalı olacaq", - deyə o bildirib.

A. Nikolov qeyd edib ki, Bolqarıstan Aİ-nin üzvü kimi Azərbaycanla Şərq Tərəfdaşlığı çərçivəsində əməkdaşlığı gücləndirə bilər.

"Aİ-Azərbaycan tərəfdaşlığı prioritetləri çərçivəsində əməkdaşlığın dörd əsas sahələri - qarşılıqlı əlaqə, enerji səmərəliliyi, ətraf mühitin mühafizəsi və iqlim dəyişikliyi tədbirləridir. Aİ və Azərbaycan arasında bir çox sahələrdə genişləndirilmiş və qarşılıqlı faydalı əməkdaşlığı, əsas sektorlarda siyasi dialoqun gücləndirilməsini və ticarətin stimullaşdırılmasını nəzərdə tutan yeni çərçivə sazişi üzrə danışıqlarda böyük irəliləyiş əldə olunub", - nazir əlavə edib.


Sonxeber.az
Telegramda izləyin
İqtisadiyyat   Baxılıb: 1300   Tarix: 07 fevral 2022  

Şikayətiniz varsa Whatsapp: 077 7125666

Facebookda Paylaş


Kurslar.az kurslar

Oxşar xəbərlər

.

Türk İnvestisiya Fondu Türkiyədə ilk maliyyələşdirməni həyata keçirib

Türk İnvestisiya Fondu (TİF) kənd yerlərində fəaliyyət göstərən mikro, kiçik və orta müəssisələrin maliyyə vəsaitlərinə çıxışını genişləndirmək, qadın sahibkarları dəstəkləmək, dayanıqlı kənd təsərrüfatını və yaşıl investisiyaları təşviq etmək məqsədilə Niderland İnkişaf Bankının (FMO) təşkil etdiy

12 noyabr
.

Hotellərə yeni tələb qoyulur

Azərbaycanda hotellərin üzərinə yeni tələb qoyulur. xəbər verir ki, sözügedən məsələ Vergi Məcəlləsinə təklif edilən dəyişiklik layihəsində əksini tapıb. Layihəyə əsasən, mehmanxana (hotel) və sanatoriya fəaliyyəti ilə məşğul olan şəxslər tərəfindən onların rüb ərzində xidmət göstərdiyi ölkəyə turis

5 noyabr
.

Xəzər dənizinin çəkilməsi COP31-də dünya gündəminə çıxarılacaq

"Azərbaycanın COP31 gündəliyindəki əsas mövzular arasında Xəzər dənizinin problemləri də yer alır". "Report"a istinadən xəbər verir ki, bunu Azərbaycan Prezidentinin İqlim məsələləri üzrə nümayəndəsi Muxtar Babayev COP31 çərçivəsində qurulan Azərbaycan pavilyonunda jurnalistləri

9 noyabr
.

Bu sahədə fəaliyyət tam rəqəmsallaşdırılır

"Bir pəncərə" informasiya sistemi haqqında Əsasnamə" təsdiq edilib. "Qafqazinfo" xəbər verir ki, bununla bağlı Prezident İlham Əliyev Fərman imzalayıb. Fərmana əsasən, sistemin fəaliyyətinin təmin edilməsi məqsədilə müvafiq məlumatların ilkin mənbəyini formalaşdıran dövlət orqanlar

16 noyabr
.

Azərbaycanda pambıq istehsalının 4 illik proqnozu açıqlanıb

Gələn il Azərbaycanda pambıq istehsalının 351,9 minə tona çatacağı proqnozlaşdırılır. "Report" xəbər verir ki, bu, 2027-ci ilin dövlət büdcəsi zərfinin layihəsində öz əksini tapıb. Məlumata görə, bu, 2026-cı il proqnozuna nisbətən 11,1 % çoxdur. 2028-ci ildə pambıq istehsalının 373,8 min to

15 noyabr
.

Qızıl bazarında son vəziyyət

2026-cı il noyabrın 4-nə olan qızılın qiyməti açıqlanıb. "Yeni Sabah" xəbər verir ki, qızılın 1 unsiyası 6 670,1795 manat, 1 qramı isə 214,45 manat təşkil edir. Əyyarlara və mənşəyinə görə 1 qram qızılın qiyməti isə 99 əyyar (təmiz qızıl) - 214,45 manat, 750 əyyar (İtalyan qızılı) - 161,0

4 noyabr
.

Azərbaycanda kirayə mənzil fonduna daha 91 mənzil əlavə olunub

İpoteka və Kredit Zəmanət Fondu satmaq öhdəliyi ilə kirayə mexanizmi çərçivəsində Bakı şəhəri, Binəqədi rayonu, Cəfər Xəndan küçəsindəki yaşayış kompleksindən 27, Sumqayıt şəhəri, Sülh prospektindəki yaşayış kompleksindən 38 və Abşeron rayonu, Saray qəsəbəsi, Məhəmməd Əsədov küçəsindəki yaşayış kompleksində

17 noyabr
.

EIA bu il üçün Azərbaycanda neft hasilatı proqnozunu sabit saxlayıb

ABŞ Energetika Nazirliyinin Enerji İnformasiya Administrasiyası (EIA) Azərbaycanda 2026-cı il üçün gündəlik neft hasilatı ilə bağlı proqnozunu sabit saxlayıb. xəbər verir ki, bu barədə EIA "Qısamüddətli enerji perspektivi" adlı hesabatın noyabr ayı üzrə açıqladığı məlumatda qeyd edilib. EIA-nı

11 noyabr
.

Qızılın son qiymətləri bəlli oldu

11 noyabr tarixinə olan rəsmi göstəricilərə əsasən, Azərbaycanda qiymətli metalların, xüsusilə qızılın qiymətlərində dinamika diqqət çəkir. "Yeni Sabah" xəbər verir ki, qızılın 1 unsiyasının rəsmi qiyməti 6 877,44 manat, 1 qramının dəyəri isə 221,11 manat təşkil edir. Pərakəndə zərgərlik bazarınd

11 noyabr