Ukrayna Prezidenti Rusiya ilə danışıqları Belarusda aparmaq istəmir

Ukrayna Prezidenti Volodimir Zelenski Rusiya ilə danışıqları Belarusda aparmaqdan imtina edib.

Sonxeber.az RİA novosti agentliyinə istinadla xəbər verir ki, Zelenskinin sözlərinə görə, RF ilə daşıqlar Minskdə yox, Varşavada, Budapeştdə, İstanbulda, Bakıda keçirilə bilər.

"Əlbəttə, biz sülh istəyirik, biz görüşmək istəyirik, biz müharibənin qurtarmasını istəyirik. Varşava, Bratislava, Budapeşt, İstanbul, Bakı – biz Rusiya tərəfinə bütün bunları təklif etmişik. Bəli, hər hansı başqa şəhər, ərazisindən raketlərin atılmadığı ölkə bizə məqbuldur. Yalnız belə danışıqlar dürüst ola bilər və müharibəni həqiqətən də qurtarmaq olar", - Ukrayna Prezidentinin "Teleqram" kanalında dərc olunmuş müraciətində belə deyilir.

Bir qədər əvvəl Rusiya mediasında RF prezidentinin mətbuat katibi Dmitri Peskova istinadla belə bir xəbər yayılmışdı ki, Moskvadan nümayəndə heyəti Ukrayna ilə danışıqlar aparmaq üçün Qomelə gəlib. Nümayəndə heyətinə XİN, Müdafiə Nazirliyi və digər qurumların, həmçinin prezident administrasiyasının təmsilçiləri daxildir.

Telegramda izləyin