Bakıda lüks avtomobilini yol polisinin üstünə sürən şəxs cəzalandırıldı - YENİLƏNİB + FOTO/VİDEO

Bakıda qaydaları kobud şəkildə pozan "Range Rover" sürücüsü cərimələnib.

Baş Dövlət Yol Polisi İdarəsinin baş inspektoru Mübariz Ağayev Avtosfer.az-a açıqlamasında bildirib ki, yayılmış görüntüyə baxış keçirilib:

"Bildirmək istəyirəm ki, martın 8-də paytaxtın Neftçilər prospektində yol hərəkəti qaydasını pozan 90-TG-550 qeydiyyat nişanlı "Range Rover" markalı avtomobilin sürücüsü törətdiyi xətaya uyğun olaraq inzibati qaydada məsuliyyətə cəlb edilib".

15:55
Bakıda qaydaları kobud şəkildə pozan sürücülərin videosu ərazidəki təhlükəsiz şəhər kamerasına düşüb.

Avtosfer.az xəbər verir ki, 90-TG-550 qeydiyyat nişanlı "Range Rover" markalı avtomobilin sürücüsü martın 8-də paytaxtın Neftçilər prospektində (Bakı İdman Sarayanın qarşısında) əks istiqamətə çıxaraq nəqliyyat vasitəsini qarşıdan gələn maşınların üzərinə sürüb.

Ərazidə xidmətdə olan yol polisi əməkdaşı avtomobilin qarşısını kəsərkən, sürücü və sərnişin onunla mübahisə etməyə başlayıb. Qarşıda əyləşən xanım sərnişinin qərəzli hərəkətləri kamera görüntülərində aydın şəkildə əks olunub.

Həmin görüntüləri təqdim edirik:

Telegramda izləyin