Nazirlər Kabinetindən anti-inflyasiya qərarı - VİDEO

2022-ci il dekabrın 31-dək Azərbaycanın gömrük ərazisindən 28 adda malın aparılmasının müvəqqəti olaraq tənzimlənməsi, dünya miqyasında nəzərə çarpan qiymət artımı və infilyasiya fonunda həyata keçirilən qabaqlayıcı tədbirdir. Hər bir ölkə iqtisadiyyatının inkişafı, vətəndaşlarının tələbatının ödənilməsi baxımından bu addımı atır.

Cari il dekabrın 31-dək qərarla ixracı tənzimlənən əsas mal və məhsulların, 2021-ci ildə həcmi 81 milyon dollar təşkil edib. Qeyri neft sektoru üzrə ixrac məhsullarının artım dinamikası da kifayət qədər böyükdür. 2020-ci ildə ölkədən 1,8 milyard dollar həcmində qeyri-neft sektoru məhsulu ixrac olunmuşdusa, 2021-ci ildə bu göstərici 2,7 milyard dollar təşkil edib. Hazırda hökumət tərəfindən minimum istehlak səbətinə daxil olan strateji məhsulların nəzarətinin həyata keçirilməsi, ilk növbədə daxildə əhalinin istehlak tələbatının ödənilməsi baxımından vacibdir.

Bu gün ölkəmizdə kifayət qədər qeyri-neft sektoru üzrə məhsullar istehsal olunur. Dövlət Gömrük Komitəsinin rəsmisi onların xarici bazarlarda da satışının həyata keçirilə biləcəyini deyir. Yəni İqtisadiyyat Nazirliyi həmin məhsulların ökədən çıxarılmasına müsbət rəy verə bilər. Qərar heç də ixracın qadağası demək deyil.

Qeyd edək ki, Nazirlər Kabineti "Minimum istehlak səbətinin tərkibinə daxil olan bir sıra əsas ərzaq mallarının və onların istehsalında istifadə olunan malların ölkə ərazisindən aparılmasının tənzimlənməsinə dair tədbirlər haqqında" qərar imzalayıb. Siyahıya 28 adda malın daxil olduğu qərar 2022-ci il dekabrın 31-dək v qüvvədədir. Dövlət Gömrük Komitəsinin rəsmisi dünya miqyasında baş verən hadisələrin fonunda, zərurət yaranacağı təqdirdə bu müddətin uzadılacağını deyir.

Telegramda izləyin