Müharibə Qərb üçün bir şansdırmı?

Son 1 ayda bütün diqqətlər Ukrayna və Rusiyada arasında gedən müharibəyə yönəlib. Ukraynalılar rusları Rusiya ordusu və dövlətinin şişirdilmiş gücü ilə bağlı yalan və miflərindən məhrum ediblər. interestan.com saytına istinadən bildirilir ki mülki hədəflərin cinayətkarlıqla həyata keçirilmiş bombardmanları sübut edir ki, Rusiyanın işğalı strateji baxımdan uğursuz olub.
Müharibəyə dünya ölkələri biganə qalmırlar və qalmamalıdırlar da. Aİ və NATO hələ də Ukraynanın hərbi və humanitar səylərini dəstəkləyə biləcək bir neçə tədbir görə bilər. Qərb Rusiya qüvvələrinə qarşı əməliyyatlarda bilavasitə iştirak etməmək üçün sökülü vəziyyətdə olan təyyarələri sərhəddən ötürərək Ukraynaya çatdırmalıdır. Qərb, xüsusilə, ABŞ, həm də sərəncamında ciddi hərbi texnikası olan özəl muzdluları ("Triple Canopy" kimi şirkətləri, əvvəlki adı ilə "Blackwater") Ukraynada döyüşmək üçün göndərməlidir. Qaçqınların köçürülməsi sxeminə xüsusi diqqət ayırmaq lazımdır. Bu məsələni NATO və Aİ öz nəzarətinə götürməlidir. Rusiyaya qarşı sanksiyalar davam etməlidir. Müharibənin startından bu günədək Rusiyaya xeyli sanksiya tətbiq edilib. Ancaq bununla kifayətlənmək olmaz. Bu cür vacib bir dönəmdə Qərb Rusiyadan qorxmamalı, əksinə varlığını isbatlamalıdır.
Almaniyanın silah tədarük edib, "Şimal axını-2"ni dayandırdığı və ciddi iqtisadi sanksiyalara razılaşdığı, eyni zamanda İsveçrənin uzunmüddətli neytrallıq ənənəsini pozduğu bir vaxtda daha da irəli getmək məqamıdır. Aİ, nəhayət, gücünü və potensialını ortaya qoymalıdır. Rusiyanı dayandırmağın yolu bundan keçir. Macarıstan və Polşa kimi Aİ-nin fitnə-fəsad törədənləri nizama çağırılmalıdır. Polşa cəmiyyətinin böyük səyini Polşa hökumətinin laqeyd hərəkətləri ilə səhv salmaq olmaz. Aİ-nin əsas dəyərlərini və qanunlarını pozmaq kimi keçmişdə edilmiş günahlar unudulmamalıdır. Əksinə, yenidən dirçəlmiş Aİ müdafiəsini bərqərar etməli, ordu quruculuğuna başlamalıdır. ABŞ ilə birlikdə Çinə göstərmək lazımdır ki, Tayvanın potensial işğalı onun üçün Putinin Ukrayna barədə güc xəyallarına son qoyulması ilə oxşar nəticələnə bilər.
Avropa İttifaqı insiativi ələ almalı, nəyin bahasına olur-olsun, enerji birliyini gücləndirməli, Rusiya resurslarından asılılığını bitirməlidir. Çünki strateji suverenlik üçün bunlar önəmli amillər hesab olunur. Bunu etmək üçün isə ortaya iradə qoymaq lazım gələcək.
AB-nin müharibədən, dəhşətli dağıntılardan sonra müttəfiqlərini necə tez və effektiv şəkildə bərpa edə biləcəyini göstərmək üçün Ukraynaya resurslar göndərilməlidir. Bu, AB-nin qlobal miqyasda gücünü artıracaq. AB bu fürsəti əldən verməməlidir. Əks təqdirdə, Rusiyanın hegemonluğu bir qədər də arta bilər.

Telegramda izləyin