Tramp mitinq keçirib Rusiyanın Ukraynaya təcavüzünə görə Baydeni günahlandırdı ÜSTƏLİK...

ABŞ-ın keçmiş prezidenti Donald Tramp ötən gün, prezident Cozef Baydenin Polşada Ukraynaya dəstək nitqi ilə çıxış etdiyi bir vaxtda öz tərəfdarlarının mitinqini keçirib. Və Rusiyanın Ukraynaya təcavüzünə görə Baydeni günahlandırıb.

Tramp ABŞ-dakı indiki yüksək inflyasiyaya, benzinin bahalaşmasına görə Bayden administrasiyasının günahkar olduğunu deyib. Onun sözlərinə görə, Bayden "Amerika xəyallarını dəfn edib".

"Amerika tarixinin beş ən pis prezidentini götürüb bir yerdə oturda bilərsiniz və onlar birlikdə Co Baydenin cəmi 15 ayda vurduğu ziyanı vura bilməzlər. Bir il ərzində o Amerika xəyallarını öldürdü",-Tramp Corciya ştatının Kommers şəhərində tərəfdarları qarşısında bildirib.

O, Rusiyanın Ukraynaya təcavüzünə görə də Baydenin günahkar olduğunu deyib, hakimiyyətdə olsaydı bunun baş verməyəcəyini iddia edib: "Ukraynaya müdaxilə baş verməli deyildi. Və hamının dediyi kimi: əggər Ağ evdə mən olsaydım".

Tramp çıxışında Baydeni "yuxulu qancıq oğlu" adlandırıb və deyib ki, Ukrayna ətrafında baş verənlər ABŞ-ın Əfqanıstandakı uğursuzluğu ilə bağlıdır. "Mən düşünürəm ki, Putin buna baxdı və dedi: cənablar, bu adamlar bacarıqsızdır",-hakimiyyətdə olduğu vaxtlarda Putinə sevgisini hər fürsətdə izhar edən və ABŞ tarixinin ən dələduz, yalançı siyasətçisi adını qazanan Tramp bildirib./Virtualaz

Telegramda izləyin