Bu ölkədə "TikTok"dan pul qazanlara məhdudiyyət qoyulacaq

Çoxlu saxtakarlıq hadisələrinin baş verdiyi sosial şəbəkələrə artıq dövlətlər də müdaxilə etməyə başlayır.

Sonxeber.az xarici mətbuata istinadən xəbər verir ki, xüsusilə "TikTok" və "Twitch" istifadəçiləri canlı yayım performanslarından əhəmiyyətli miqdarda pul qazanmağa başlayıblar.

Canlı yayımda hədiyyə toplamaq istəyən insanlar bəzən həddi aşa bilərlər. Məsələn, ötən aylarda Türkiyədə Didem Şener adlı bir "Twitch" istifadəçisi "Kist əməliyyatı olacağam" deyərək, canlı yayımdan sonra topladığı ianələrlə sinəsinə silikon implantı etdirib.

Dünyanın bir çox yerində belə hadisələr baş verərkən, Çin Xalq Respublikası hökuməti bu cür canlı yayımları idarə etməyə hazırlaşır.

Hazırlanan qanun layihəsinə görə, canlı yayım izləyiciləri tərəfindən göndərilən gündəlik hədiyyə məbləğləri izləniləcək. Mövzuya yaxın mənbələrdən verilən məlumata görə, bir yayımçının gündə ala biləcəyi ianə miqdarı məhdudlaşdırılacaq və canlı yayımlara senzura şurası nəzarət edəcək.

Aygün Osmanlı

Telegramda izləyin