Uzaq yol gedən zaman oruc batil olur? - AÇIQLAMA

İnsanlar arasında müzakirəyə səbəb olan məqamlardan biri də Mübarək Ramazan ayında oruc tutanların səfərə çıxması ilə bağlıdır. Bəzi insanlar oruc tutduqları halda uzaq səfərə çıxarkən oruca heç bir maneə olmadığını desələr də, digərləri uzaq yol getdikdə orucun batil olduğunu bildirirlər.

Məsələ ilə bağlı Sonxeber.az-a ilahiyyatçı alim, din xadimi Əhliman Rüstəmov açıqlama verib.

O bunun çox böyük məsələlərdən olduğunu bildirib:

"İnsanlar müxtəlif yerlərdə işləyir, fərqli səbəblərdən harasa gedərək uzaq məsafə qət edirlər:

"Ümumiyyətlə, şəriətdə belədir ki, 1 nəfər vətənindən, yaşadığı yerdən 22 kilometr uzaqlaşarsa, səfərə getdiyi zaman onun namazı tam deyil, qısaldılmış olur (4 rükətli namazalar 2 rükət qılınır), orucu isə, günortaya qədər gedib-qayıtmasa, batil olur.

Günortadan sonra səfərə çıxsa, sabahı günün günortasına qədər orada qalsa, orucu səhihdir. Lakin bu hökm bəzi inanlara nisbətdə fərqli ola bilər. Məsələn, sürücülər hər zaman işlə bağlı səfərdə olurlar. Hər gün 22 kilometrdən artıq yol gedirlər, şəhərdən uzaqlaşıb, işlərini həll edib gəlirlər. Onlar oruclarını tutmalıdırlar.

Amma səfərə təsadüfən çıxanlar günortaya (yəni günorta azanına) qədər gedib qayıtmalıdırlar, yaxud günorta azanından sonra gedib, səhəri günün günorta azanına qədər qayıda bilərlər. Bir sözlə, günorta azanına qədər gedib-qayıtmaq səhihdir".

ZAİRA AKİFQIZI

Telegramda izləyin