Qorxudan 122 kiloqram arıqladı - FOTOLAR

İrlandiyadan olan 25 yaşlı kosmetoloq Heyli Uolş təyyarə oturacağında ilişib qalmamaq üçün 122 kiloqram arıqlayıb.

BiG.AZ xəbər verir ki, bu barədə "Daily Mail" yazır.

Belə ki, əvvəllər 206 kiloqram çəkisi olan Uolş həmişə köklükdən əziyyət çəkdiyini, mağazalarda istədiyi geyimi tapa bilmədiyini və məcbur qalaraq tikdirdiyini etiraf edib.

2019-cu ildə Portuqaliyaya tətilə getmək planı onun həyatında dönüş nöqtəsi olub.

Heyli oturacaqda ilişib qalmamaq üçün iki nəfərlik bilet aldıqdan sonra arıqlamaq qərarına gəlib.

Beləliklə, bir ilə Uolşun çəkisi 187 kiloqramadək enib. Bu müddət ərzində o, içki, sup və bulyondan ibarət "sulu" pəhriz saxlayıb.

Bundan sonra Heyli 5450 funt sterlinqə (təxminən 12 min manata) mədə kiçiltmə əməliyyatı etdirib. Klinikada keçirdiyi 2 gün ərzində cərrah onun üzərində 12 prosedur həyata keçirib.

Əməliyyatdan sonra qadın idman zalına gedərək məşq etməyə başlayıb.

Ümumilikdə 122 kiloqram çəki atan Uolş tamamilə dəyişildiyini, daha sağlam və pozitiv olduğunu etiraf edib. O, artıq idmanı sevdiyini və həyatının ayrılmaz hissəsinə çevirdyini deyib. Lakin hazırda Heyli dəri sallanma problemi yaşayır və onu da aradan qaldırmaq üçün növbəti əməliyyata ehtiyacı var.

Telegramda izləyin