Atasının və ərinin etmədiyini sevgilisi etdi: Qardaşı tərəfindən öldürüldü - TƏFƏRRÜAT

Atasının və ərinin etmədiyini sevgilisi etdi: Qardaşı tərəfindən öldürüldü - TƏFƏRRÜATBərdədə bacısını öldürməkdə təqsirləndirilən Fəqan Cabbarovun cinayət işi üzrə məhkəmə prosesi başa çatıb.

Rayonda video-operator işləyən Fəqanın hansı səbəbdən bacısı Nərminəni öldürməsi ictimaiyyət üçün maraq kəsb edir.

Lent.az həmin cinayət işi üzrə materialları əldə edib.

İttihama görə, qətl ötən il avqustun 19-da günorta saatlarında Bərdə rayonu ərazisində baş verib. Belə ki, F.Cabbarov 27 yaşlı bacısı Nərminə Behbudovanı yaşadıqları kəndin ərazisindəki əkin sahəsində qətlə yetirib.

Faktla bağlı Bərdə Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Məhkəmədə danışan Fəqan Cabbarov deyib ki, Uğurbəyli kəndində anası, atası, qardaşı, qardaşının arvadı və iki uşağı ilə birlikdə yaşayıb. O, cinayəti necə törətdiyini açıqlayıb:

"Bərdə şəhərində yerləşən "Çinar" restoranında videooperator kimi fəaliyyət göstərirdim. Karantin qaydalarına əsasən, toy mərasimlərinin keçirilməsi dayandırıldığından işsiz qaldım. Buna görə qardaşım ilə birlikdə Tərtər rayonunda yerləşən Laçınlı Süleymana məxsus iri buynuzlu heyvanların saxlanıldığı fermada işləməyə başladım. Bacım Nərminə isə evlənmişdi. Qonşu kənddə yaşayırdı. Fermada işlədiyim zaman yeznəm Səbahəddin mənə zəng elədi. Səsi qəribə gəlirdi. Danışıq zamanı bacımın mobil telefonda başqa bir kişi ilə danışarkən tutulduğunu dedi. Mən həmin vaxt Tərtərdə idim. Tez atama zəng eləyib baş verənləri danışdım. Yeznəmin dediyindən anladım ki, bacım elə Səbahəddinin qohumu ilə münasibət yaşayıb. Həmçinin Səbahəddin dedi ki, bacım gizli telefonla yad kişilərlə danışır. Bunu Nərminə özü də sonradan ərinə təsdiq edib. Nərminə evli olduğu 9 il ərzində telefonu olmayıb. Heç ata evində olanda da onun telefonunun olmasına icazə verilməyib. Sonradan əri də ona telefon almadı. Onda mobil telefonun olmasından heç kimin xəbəri olmayıb. Görünür ki, telefonu ona münasibətdə olduğu həmin şəxs gizlicə alıb. Bu vasitə ilə də rahat danışa biliblər".

Təqsirləndirilən şəxs bildirib ki, yeznəsi ona Nərminənin danışdığı adamla görüşdüyünü deyib:

"Mənə dedi ki, qonşular Nərminənin yad kişi ilə görüşdüyünü görüblər. Mən bu məsələni araşdırmağa başladım. Bacımın kimlə danışdığını müəyyənləşdirmək məqsədi ilə bir neçə dəfə onların kəndinə getdim. Orada müəyyən elədim ki, həmin şəxs elə yeznəmin öz yeznəsinin bacısı oğludur. Lakin onun adını öyrənə bilmədim. Səbahəddinin özü də həmin şəxsdən şübhələnib. Amma heç nə sübut edə bilməyib. Bu söhbətlərdən sonra əri Nərminəni evdən qovdu. Bacım bizim kəndə qayıtdı. Lakin bildi ki, onu öldürəcəm, qorxusundan evimizə gəlmədi. Bir müddət dayımgildə, bir müddət də xalamgildə qaldı. Xalamgildə qalan müddətdə onu öldürmək üçün bir neçə dəfə ora getdim. Lakin Nərminəni aldadıb evdən çıxara bilmədim. Həm də xalamgilin evində qan tökmək istəmirdim".

Fəqan Cabbarov qeyd edib ki, həmin vaxtlar Nərminə xalasıgilə əri Səbahəddinin qohumu ilə münasibətdə olduğunu təsdiq edib:

"Artıq mən Nərminəni öldürməyi qarşıma məqsəd kimi qoymuşdum. 25 gün idi ki, utandığımdan kəndə çıxa bilmirdim. Onu öldürməkdən başqa yolum yox idi. Bu səbəbdən gecə saatlarında evdən çıxıb xalamgilə piyada getdim. Evə daxil olduqda Nərminə və xalam qızı Güneli gördüm. Onlardan başqa evdə heç kim yox idi. 10 dəqiqə orada söhbət elədim. Nərminəni aldadaraq evdən çıxarmağa razı saldım. Yalandan dedim ki, yeznəm evdədir və üzləşməyə aparıram. Taksi ilə kəndin girişinə qədər gəldik. Yolda bir kəlmə belə danışmadıq. Kəndin girişində daşlı yolla gedirdik. Yol boyunca hadisənin baş verəcəyi yeri beynində planlaşdırdım. Nərminəni öldürərkən buna heç kimin mane ola bilməməsi üçün kəndinin giriş tərəfini seçdim. Bu səbəbdən yavaş-yavaş sürətimi azaltdım ki, bacımdan arxada qalım. Bu zaman Nərminə arxaya çönüb mənə tərəf baxdı və nə üçün geridə qaldığımı soruşdu, cavab vermədim. Yonca sahəsinin yanından keçəndə cibimdəki bıçağı çıxaraq bacımın qarın nahiyəsindən vurdum. Həmin zərbədən sonra o yerə yıxıldı və hərəkətsiz vəziyyətdə qaldı. Onun ölümünü sürətləndirmək məqsədilə bir neçə bıçaq zərbəsi də vurdum. Bacımın ölümündən əmin olmaq üçün boğazı hissəsinə də iki zərbə vurdum".

Bacısını öldürən şəxs deyib ki, bıçağı hadisə yerinə ataraq oradan uzaqlaşıb:

"Yoldan taksiyə minərək rayonun özünə getdim. Bir az sakitləşdim. Ordan könüllü şəkildə polisə gedərək təslim oldum. Nərminəni öldürməklə bağlı qərarı tək qəbul etmişəm, onu öldürməyə məni heç kim təhrik etməyib. Məqsədim sadəcə ləkələnmiş olan namusumuzu, şərəfimizi təmizləməkdən ibarət olub".

Gəncə Ağır Cinayətlər Məhkəməsinin hökmü ilə Fəqan Cabbarov 10 il müddətinə azadlıqdan məhrum edilib.


Sonxeber.az
Telegramda izləyin
Kriminal   Baxılıb: 2758   Tarix: 06 aprel 2022  

Şikayətiniz varsa Whatsapp: 077 7125666

Facebookda Paylaş


Kurslar.az kurslar

Oxşar xəbərlər

.

Bakıda dayəyə verilən körpənin ölməsinin yeni təfərrüatı

Bakının Sabunçu rayonunda körpənin yıxılaraq ölməsi ilə bağlı yeni təfərrüat açıqlanıb. -a istinadən xəbər verir ki, azyaşlının əmisi Teymur Əliyev "Teleqraf"la əlaqə saxlayaraq bildirib ki, 2 yaşlı A.İsmayılovun anası və atası boşanıb, azyaşlı anası ilə yaşayırmış:. "9 yaşlı bacısı is

29 oktyabr
.

Şamaxıda qadın su çənində boğuldu

Şamaxı rayonunda 50 yaşlı qadın bədbəxt hadisə nəticəsində ölüb. "Qafqazinfo" xəbər verir ki, Şamaxı şəhər sakini 1976-cı il təvəllüdlü Piriyeva Pakizə Gülaməddin qızı həyətindəki su çəninə düşüb. O, suda boğularaq vəfat edib. Faktla bağlı araşdırmalar rayon prokurorluğu tərəfindən aparılı

11 noyabr
.

Lerikdə qanunsuz qızıl axtaranlara qarşı əməliyyat - Ölən var

Oktyabrın 20-si gecə saatlarında Lerik rayonunun dağlıq ərazisində qanunsuz qazıntı işləri apararaq qızıl axtaran 3 nəfər polis tərəfindən müəyyən olunub. -a istinadən xəbər verir ki, həmin şəxslər saxlanılarkən müqavimət göstərərək qaçmağa cəhd ediblər. Bu zaman qaçan şəxslərdən R.Səfərov qayalıqda

21 oktyabr
.

Azərbaycanda molla arvadını qətlə yetirdi: Amansızlıqla törədilən qətlin pərdəarxası

Qusar rayonunun Hil kəndində 32 yaşlı keçmiş həyat yoldaşı Diana Təyibovanı xüsusi amansızlıqla qətlə yetirən 1990-cı il təvəllüdlü Asif Təyibovun məhkəmə prosesi başa çatıb. -a istinadən xəbər verir ki, Sumqayıt Ağır Cinayətlər Məhkəməsində təqsirləndirilən şəxsə hökm oxunub. Cinayət Məcəlləsinin 120.2.

4 noyabr
.

Meşədə yanmış meyiti tapılan şəxs məmur imiş - Foto

Üç gün öncə Oğuzda meşədə Aqil Rəsulov adlı şəxsin yanmış meyiti tapılıb. Ölkə.az-a istinadən xəbər verir ki, həmin şəxs Həbib Babayev adına 1 nömrəli tam orta məktəbin təsərrüfat işləri üzrə direktor müavini vəzifəsində çalışırmış. Hadisənin təfərrüatı hələlik məlum deyil. "Qafqazinfo"nu

3 noyabr
.

Naxçıvanda dəhşətli cinayət: Nənə yeni doğulan nəvəsini avtomobildə boğaraq öldürüb

Naxçıvanda yeni doğulan körpəni öldürən 1974-cü il təvəllüdlü K.S.-nin məhkəmə prosesi başa çatıb. -a istinadla xəbər verir ki, Naxçıvan MR Ağır Cinayətlər Məhkəməsində keçirilən prosesdə dəhşətli faktlar üzə çıxıb. Məlum olub ki, qadının öldürdüyü körpəni onun öz qızı dünyaya gətirib. 52 yaşlı təqsirləndirilə

23 sentyabr
.

Fatimənin bıçaqlanma anı - Əvvəldən təhdid mesajları yazıbmış-Yenilənib

Dünən saat 21 radələrində Xəzər rayonu Binə qəsəbəsində 24 yaşlı Fatimə Rəhmanzadənin küçədə qətlə yetirilməsinin görüntüləri yayılıb. "Qafqazinfo" xəbər verir ki, hadisə anını vətəndaşlardan biri avtobusun pəncərəsindən lentə alıb. Görüntülərdən məlum olur ki, Binənin Ə.İsazadə küçəsindək

7 oktyabr
.

Novruz bayramı günü bibisi oğlunu öldürənə - 14 il həbs verildi

Bu ilin mart ayında bibisi oğlu 1976-cı il təvəllüdlü Rövşən Abdullayevi bıçaqlayaraq öldürən Rizvan Söhbətova hökm oxunub. "Qafqazinfo" xəbər verir ki, Lənkəran Ağır Cinayətlər Məhkəməsi onu Cinayət Məcəlləsinin 120.1 və 228.5-ci maddələri ilə təqsirli bilib. Araşdırmalar zamanı məlum olu

19 oktyabr
.

Qətlə yetirilən "Ceyhun Sabunçu"nun əsl adı Cəlal imiş

Bakıda Xətai rayonu, General Şıxlınski küçəsi, 145 ünvanında yerləşən "Ab Hava" restoranında qətlə yetirilən "Ceyhun Sabunçu" ləqəbli şəxsin kimliyi bilinib. xəbər verir ki, bu, Baş Prokurorluğun bu gün yaydığı məlumatdan aydın olur. Bildirilib ki, qətlə yetirilən şəxs 1983-cü i

27 oktyabr