Buçada zirzəmiyə salınan qızlara kütləvi şəkildə təcavüz edilib - VİDEO

"Buçanın işğalı zamanı rusiyalı hərbçilər zirzəmilərin birində 14-24 yaşlı 25-ə yaxın yeniyetmə qız və qadın saxlayaraq onlara müntəzəm təcavüz ediblər".

Bu barədə ukraynalı ombudsman Lyudmila Denisova "The New York Times" və BBC-yə müsahibəsində bildirib.

Hüquq müdafiəçisinin sözlərinə görə, qadınlardan doqquzu hazırda hamilədir.

"Rusiyalı əsgərlər qızlara deyiblər ki, onları o qədər zorlayacaqlar ki, bir daha heç bir kişi ilə cinsi əlaqəyə girməyi düşünməsinlər və ukraynalılardan uşaq dünyaya gətirmək istəməsinlər", - deyə Denisova bildirib.

Nəşr həmçinin Kiyev ətrafının sakinlərindən biri, 50 yaşlı Anna ilə video yayımlayıb. O, Çeçenistandan olan hərbçi tərəfindən zorlandığını bildirib. Qadının sözlərinə görə, əri onu qorumağa çalışıb və güllələnib.

Xatırladaq ki, Ukrayna Prezident Ofisi rəhbərinin müşaviri Aleksey Arestoviç də Buça və İrpendə ukraynalı qadınların rusiyalı hərbçilər tərəfindən kütləvi şəkildə zorlandıqdan sonra asıldıqlarını və yandırıldıqlarını bildirmişdi.
/Oxu.az

Telegramda izləyin