Uşaqlarını tərk edən anadan VİCDANSIZLIQ: "Onları mən saxlamamışam, hissiyyatım yoxdur"- VİDEO

Anaları tərəfindən atılan bacı-qardaş ilk dəfə verilişdə görüşüb.

Sonxeber.az-ın məlumatına görə, "Bizimləsən" verilişində yayımlanan görüntülər hər kəsi duyğulandırıb.

İnsanları kövrəldən bu görüş, təəssüf ki, uşaqların anası olan Səadəti təsirləndirməyib. Həmin qadın davranışı, soyuqqanlılığı, qeyri-etik danışığı, analığa yaraşmayan reaksiyası ilə insanlarda qıcıq yaradıb. O, körpəlikdən tərk etdiyi övladlarına heç yaxınlaşmayıb və qeyd edib ki, onları saxlamadığı üçün uşaqlara qarşı heç nə hiss etmir:

"Mən onları görməmişəm. Necə üstümə gəlirlər?! Qurtarın da! Mən pis anayam, yoxam".

Verilişdə qonaqlar arasında olan aktrisa Çimnaz Sultanova qadının hərəkətlərindən heyrətlənib və hisslərini çətinliklə cilovlaya bilib. Aktrisa həmin qadınla üzbəüz oturmağı özünə ayıb bildiyini söyləyib:

"Bu qadın heyvandan nə ilə seçilir? Heyvanlar belə, öz balasına sahib çıxır. Beləsinə nəinki qadın, heç insan da demək olmaz!"

Sözügedən görüntüləri təqdim edirik:

Aysel SƏFƏRZADƏ

Telegramda izləyin