İki uşaq anası yenidən ərə getmək üçün peçenye yeməklə 35 kilo arıqladı - FOTO

Avstraliyanın Melburn şəhərinin 35 yaşlı sakini, 2 uşaq anası Tarra Sloboduik yenidən gəlinlik geyinmək üçün 35 kiloqram arıqlayıb. Lakin maraqlısı odur ki, qadın bunu xüsusi peçenye pəhrizi ilə edib.

BiG.AZ xəbər verir ki, bu barədə "Daily Mail" yazır.

Belə ki, Tarra çəkisi 91.6 kiloqrama çatanda arıqlamaq qərarına gəlib. Həmin vaxt o çox yeyib, üstündən qazlı sular içməyi, şirniyyatla atışdırmalar etməyi sevirib. Axşamlar 1-2 boşqab spagetti, çips və ətli piroq yeməkdən çəkinməyib. Lakin 2018-ci ilin avqust ayında tədbirdə çəkdirdiyi şəkillərdən birində özünü gördükdə Tarra "stop" demək qərarına gəlib.

O, həkim Senford Siqal tərəfindən 1975-ci ildə tərtib edilən diyetaya başlayıb. Pəhrizin şərtlərinə görə, enerji dəyəri 700 kaloridən az olan qidalar, həmçinin, hər iki saatdan bir xüsusi reseptlə hazırlanan peçenye yemək olar. Bu zülallı, azkalorili peçenye aclıq hissini aradan qaldırır.

İlk ay fiziki məşqlər etmədən qadın 10 kiloqram arıqlayıb, yüngül yürüş etməyə başladıqda isə daha 6 kiloqram gedib.

Getdikcə köhnə geyimlər ona böyük olmağa başlayıb və Terra zərərli qidalara xərcləməyib yığdığı pullara qarderobunu yeniləyib.

Sloboduik indi də sağlam həyat tərzinə davam edir. Hər səhər uşaqları məktəbə yola salmazdan öncə o ya qaçır, ya da tez addımlarla gəzir.

Qadının sözlərinə görə, arıqladıqdan sonra onun həyatı tamamilə dəyişib. Terra bütün gün boyu enerji dolu olur və artıq güzgüdəki əksinə baxdıqda məmnuniyyət və qürür hissi duyur.

Telegramda izləyin