Uşaq soyuducuda gizləndi - 20 saat sonra tapdılar

Filippində baş qaldıran "Megi" tropik fırtınası leysan yağışlara və sürüşmələrə səbəb olub.

Sonxeber.az xarici mətbuata istinadən xəbər verir ki, ölkədə 170-dən çox adam ölüb.

Filippin əyalətinin Beybay şəhərində sürüşmə nəticəsində evləri xəsarət alan 11 yaşlı oğlan uşağı soyuducuda gizlənərək sağ qalıb.

Belə ki, aprelin 15-də kəndin kənarında olan soyuducuya baxış keçirilən zaman orada təxminən 20 saat qalan uşaq tapılb.

Onun ilk sözü "Mən acam" olub.

Hazırda uşağın sağlamlıq vəziyyəti sabitdir, anası və kiçik qardaşı hələ də itkin düşüb, atası isə sürüşmə nəticəsində həlak olub.

Aysel Quliyeva

Telegramda izləyin