Deputat: "Quru sərhədləri açandan sonra xəstəliyin qabağını almağın məsuliyyəti kimdə olacaq?"

"Quru sərhədlərin bağlı olmasından təkcə müəyyən qrup insanlar əziyyət çəkmirlər. Bəlkə də, qismən dolanışıq mənasında onlar çox əziyyət çəkirlər. Bəs bu 10 milyonluq əhalinin mənafeyi? Bu qərarı verəndən sonra xəstəliyin qabağını almağın məsuliyyəti kimdə olacaq? Deputatda, ya nazirdə, bəlkə "ekspert"lərdə? Heç kim o məsuliyyəti daşımır. Bu məsuliyyəti daşıyan Operativ Qərargahdır, dövlətdir, hakimiyyətdir. Deyəsən, çox tez yaddan çıxartdıq ki, iqtisadiyyatımızda tam qapanma, həmçinin məcburiyyət qarşısında böyük itkilər oldu. Dövlət çalışdı ki, öz tərəfindən sahibkarlara, iqtisadiyyata dəstək olsun. Orda da itki verdik. Hamı maliyyə tərəfdən geriyə getdi".

Bu sözləri Pravda.az-a açıqlamasında Milli Məclisin deputatı Rüfət Quliyev deyib.

"Cənab Prezident də bunu deyir ki, sərhədləri bağlı saxlamaqda düz edirik. Açılsa, yenidən həmin problemlər qalxacaq. Artıq görürsünüz, xəstələnənlərin sayı düşmüşdü 5-6 nəfərə. İndi isə qalxıb 150-ni keçdi, 200-ə yaxınlaşır. Bu say 2 minə, 5 minə qalxanda nə olacaq? Yenə səhiyyə ocaqlarına təzyiqlər, problemlər başlayacaq, ölümlərin sayı artacaq. Adi quru sərhədlərin bağlı və ya açıq olması iqtisadiyyata necə təsir edir... Bunu da düşünmək lazımdır. Hər bir hakmiyyətin addımı yüz dəfə düşünülüb, bir dəfə biçilir", - deputat bildirib.

Telegramda izləyin