Arvadını Afrikaya aparıb 5 milyon dollar almaq üçün öldürdü - FOTO

ABŞ-ın Pensilvaniya ştatında varlı diş həkimi Lourens Rudolf həyat yoldaşı Byanka Rudolfu Afrikaya gəzintiyə aparıb və 5 milyon dollarlıq sığortaya xatir orada qətlə yetirib.

Sonxeber.az BiG.AZ-a istinadən xəbər verir ki, bu barədə "CBS News" yazır.

Hadisə 2016-cı ilin oktyabrında Zambiyayanın "Kafue" Milli Parkında baş verib. İkisi də ov həvəskarı olduqları və bəbir ovlamağı düşündükləri üçün Lourens xanımını Afrikaya aparıb.

Onun sözlərinə görə, qadın safarinin son günündə silahı yığarkən ehtiyatsızlıqdan özünü güllələyib. Həmin an kişi tutduqları evin hamam otağında olduğunu iddia edir.

İki günlük araşdırmadan sonra Zambiya hökuməti Byankanın ölümünün qəza olduğunu təsdiqləyib. ABŞ-a qayıtdıqdan sonra isə Rudolf beş milyon dollar miqdarında sığorta ödənişi alıb.

Lakin ABŞ hüquq-mühafizə orqanları bir məsələdən şübhələniblər: Lourens məhkəmə ekspertizasını gözləmədən, cəsədinin təcili kremasiyasını tələb edib. Bu səbəbdən dövlət hadisənin təfərrüatlarını yenidən araşdırmağa başlayıb. Hazırda məhkəmə prosesi davam edir.

Şahidlərin sözlərinə görə, 2020-ci ildə Lourens məşuqəsi Lori Milliron ilə restoranda şam yeməyi yeyərkən "Mən lənətə gəlmiş arvadımı sənə görə öldürmüşəm!" deyə qışqırıb.

Qeyd edək ki, Byanka və Lourens Pittsburq Universitetində tanış olub və 1982-ci ildə ailə qurublar. Onların 2 övladı dünyaya gəlib.

Qızı Anna ilə:
Lourens təcrübəçi stomatoloq kimi işə başlasa da, sonradan stomatoloji klinikalar üçün sakitləşdirici preparatlar satışıyla məşğul olan şirkət açıb. O, şəhərdə kifayət qədər tanınmış fiqurdur və əvvəllər tez-tez televiziyada şirkətini reklam edib. Cinayət baş verən dövrdə onun 15 milyon dollar sərvəti olub.

Telegramda izləyin