"Kitablarım Azərbaycanda qadağan olunub" - Arda Erel

"Yeni romanım "Anamın bilmədiyi hər şey" Azərbaycanda satılmır. Çünki "müharibəyə yox" demişdim. Bütün kitablarımı qadağan ediblər. Müharibəyə qarşı olmağın cəzası kitabları qadağan etmək və müharibə istəməyəni zəiflətməkdir".
Sonxeber.az xəbər verir ki, bu sözləri türk yazıçı Arda Erel öz Twitter hesabında yazıb.

"Bu əsrdə heç bir insanın müharibədə ölməməsinin vacibliyini vurğuladığım üçün mənə senzura qoyanları bağışlamıram.Mənə tətbiq olunan senzuraya baxmayaraq kitab yazmağı və fikirlərimi paylaşmağı davam etdirəcəm. Dünyanın hər yerindəki müharibələrə qarşı həll yolunun silahla yox, beynəlxalq razılaşma, dialoqda axtarmağın gərəkliliyini ictimaiyyətə bəyan edirəm " ,- deyə yazıçı İnstagram hesabında əlavə edib.
Qeyd edək ki, İkinci Qarabağ müharibəsi zamanı Arda Erel Twitter hesabında Şuşada müharibədə zərər görmüş erməni kilsəsindən görüntü paylaşaraq hər iki tərəfi sülhə çağırıb. Azərbaycanlı istifadəçilər Azərbaycan tərəfinin çəkdiyi zərəri göstərməməklə onu birtərəfli yanaşmaqda qınayıb. Daha sonra yazıçı həmin paylaşımı silib.

Şəbnəm Lətifi

Telegramda izləyin